सोलापूर : यावर्षी येणाऱ्या अधिक मासानिमित्त भगवान विष्णूची उपासना, जप-तप, दान-धर्म आणि धार्मिक ग्रंथांचे वाचन विशेष फलदायी मानले जाते. याच पार्श्वभूमीवर श्री सिद्धेश्वर फाउंडेशन, सोलापूर यांच्या वतीने जुळे सोलापूर येथील जामगुंडी लॉन्स येथे ५ ते १३ जून २०२६ दरम्यान ज्ञानेश्वरी पारायण सोहळ्याचे आयोजन करण्यात आले आहे.
संत ज्ञानेश्वर माउलींच्या ७५० व्या जयंती वर्षानिमित्त हा सोहळा आयोजित करण्यात येत असून संत साहित्य अभ्यासक डॉ. अनिल सर्जे यांच्या संकल्पनेतून कार्यक्रम होणार आहे.या पारायण सोहळ्यासाठी नोंदणी गुढीपाडव्याच्या शुभमुहूर्तावर १९ मार्चपासून ऑनलाइन व ऑफलाइन पद्धतीने सुरू होणार आहे. इच्छुकांनी गुरुलिंग कन्नूरकर, राजेंद्र बलसुरे व नम्रता दिवाकर यांच्याशी संपर्क साधावा, असे आवाहन फाउंडेशनचे अध्यक्ष सिद्धार्थ सर्जे यांनी केले.या पत्रकार परिषदेस राघवेंद्र जामगुंडी, सतीश मालू, विकास मरगुर, सीमा खोडके आदी उपस्थित होते.
