सोलापूर येथील भावसार समाजाची कुलस्वामिनी समस्त भक्तांचे श्रध्दास्थान असलेली भक्तांच्या इच्छा पूर्ण करणारी देवी म्हणून श्री हिंगुलांबिका मातेच्या प्रकटदिनानिमित्त श्री हिंगुलांबिका देवी देवालय ट्रस्ट, भावसार समाजाच्यावतीने मंगळवार दिनांक 17 रोजी या पवित्र दिनानिमित्त विविध धार्मिक कार्यक्रम आयोजन करण्यात आले आहे.श्री हिंगुलांबिका मंदिरात पहाटे 5.00 वा. 51 प्रकारच्या फळाच्या रसाने श्री अशोक शंकरराव क्षीरसागर यांच्या हस्ते श्री मुर्तीस महाअभिषेक करण्यात येणार आहे. महावस्त्र परिधान करून, पुष्प हार, सुवर्ण अलंकाराचा साज चढवून महाआरती करण्यात येणार आहे.सकाळी 9.00 वा. मंदिरामध्ये विश्वकल्याणार्थ नवार्ण जप, हवन करण्यात येवून त्याची पुर्णाहुती सकाळी 11.30 वा. होईल.
सायंकाळी ठिक 5.00 वा. भव्य शोभा यात्रेचे आयोजन करण्यात आले आहे. शोभा यात्रेचा मार्ग हिंदूहृदयसम्राट बाळासाहेब ठाकरे नियोजीत स्मारक मैदान, अशोक चौक, पोलीस मुख्यालय जवळील मैदानावरून पालखी व उत्सवमुर्तीचे मान्यवरांच्या हस्ते पुजन करून शोभा यात्रा मार्गस्थ होणार आहे. शिवराम चौक, मार्कडेय रूग्णालय (सोलापूर सहकारी रुग्णालय, भद्रावती चौक, जोडबसवण्णा चौक, कन्ना चौक, पद्मा टॉकीज मार्गे श्री हिंगुलांबिका मंदिर येथे पोहोचल्यावर अंबादास राजू खमितकर यांच्या हस्ते आरती होवून शोभा यात्रेचे विसर्जन होईल.
