सोलापूर : शासकीय सहकार व लेखा पदविका मंडळामार्फत घेण्यात येणारी शासकीय सहकार व लेखा पदविका (जी. डी. सी. अँड ए) परीक्षा तसेच सहकारी गृहनिर्माण व्यवस्थापन प्रमाणपत्र (सी. एच. एम.) परीक्षा दिनांक 26, 27 व 28 मे 2026 रोजी आयोजित करण्यात आली आहे.सदर परीक्षेसाठी ऑनलाईन अर्ज भरण्याची अंतिम मुदत वाढविण्यात आली असून इच्छुक उमेदवारांना आता https://gdca.maharashtra.gov.in या संकेतस्थळावर दि. 15 मार्च 2026 रोजी रात्री 8.00 वाजेपर्यंत अर्ज करता येणार आहे. तसेच बँकेमार्फत चलनाद्वारे परीक्षा शुल्क भरण्याची मुदत दि. 18 मार्च 2026 रोजी बँकेच्या कामकाजाच्या वेळेपर्यंत देण्यात आली आहे.
या परीक्षेसाठी अर्ज करणाऱ्या उमेदवारांनी वाढीव मुदतीचा लाभ घ्यावा, असे आवाहन करण्यात आले आहे. अधिक माहितीसाठी जिल्हा उपनिबंधक, सहकारी संस्था, सोलापूर कार्यालय, मध्यवर्ती प्रशासकीय इमारत, पहिला मजला, ई ब्लॉक, जुने जिल्हाधिकारी कार्यालय आवार, सोलापूर येथे कार्यालयीन वेळेत प्रत्यक्ष संपर्क साधावा, असे सहकारी संस्थाचे जिल्हा उपनिबंधक किरण गायकवाड यांनी कळविले आहे.
