दोन्ही देशमुखांना ऐवजी पालकमंत्री ठरवणार तोच होणार स्थायीचा सभापती…!

सोलापूर महापालिकेच्या पदाधिकारी निवडी मध्ये आमदार सुभाष देशमुख आणि आमदार विजयकुमार देशमुख यांना न जुमानता पालकमंत्री जयकुमार गोरे यांनी आपल्या मर्जीतील पदाधिकारी निवडले आहेत. त्यामुळे गोरे आणि आमदार देवेंद्र कोठे यांच्या विश्वासातील नगरसेवकांनाच महत्त्वाच्या पदाची जबाबदारी दिली जात आहे. स्थायी समितीमध्ये अविनाश पाटील, राजू पाटील,, अमर पुदाले, भारत बडूरवाले ,बिज्जू प्रधाने, गणेश वानकर , जयकुमार माने,शिवाजी वाघमोडे, सत्यनारायण गुर्रम, रंजीता चाकोते, अश्विनी जाधव,संगीता जाधव, श्रीशीला नागनाथ, कल्पना कदम हे भाजपचे 14 तर शिंदे सेनेचे अमोल शिंदे, आणि एमआयएमचे अजहर हुंडेकरी असे सोळा सदस्य आहेत. त्यामुळे सुमारे साडेसातशे कोटी रुपये बजेट असलेल्या आणि महापालिकेची तिजोरी समजल्या जाणाऱ्या स्थायी समिती सभापतीपदाची माळ कोणाच्या गळ्यात गळ्यात पडणार याची उत्सुकता लागली आहे. शुक्रवार दिनांक 6 मार्च रोजी सभापतीची निवड होणार आहे तर बुधवार दिनांक 4 मार्च रोजी यासाठी 11 ते दीड या वेळेत उमेदवारी अर्ज भरले जाणार आहेत.