छत्रपती शिवाजी महाराज जयंती निमित्त सोलापुरात पदयात्रेचे आयोजन

चार हुतात्मा पुतळा ते शिवाजी महाराज उद्यान पर्यंत पदयात्रा निघणार

पदयात्रेत सर्व अधिकारी कर्मचारी तसेच शालेय, महाविद्यालयीन विद्यार्थी सहभागी होणार

सोलापूर – छत्रपती शिवाजी महाराज यांच्या जयंतीनिमित्त भारत सरकारच्या युवा कार्यक्रम आणि खेल मंत्रालयामार्फत मेगा पदयात्रेचे आयोजन संपूर्ण महाराष्ट्रात करण्यात आले आहे. सोलापूर जिल्हा प्रशासनातर्फे गुरुवार, दिनांक 19 फेब्रुवारी 2026 रोजी सकाळी 7.00 वाजता मेगा पदयात्रेचे आयोजन करण्यात आले असून ही पदयात्रा चार हुतात्मा पुतळा ते शिवाजी महाराज उद्यान पर्यंत जाणार असल्याची माहिती निवासी उपजिल्हाधिकारी अभिजीत पाटील यांनी दिली.

“पदयात्रेचा मार्ग पुढीलप्रमाणे निश्चित करण्यात आला आहे:- चार हुतात्मा पुतळा, डफरीन चौक, हरिभाई देवकरण प्रशाला, पंचायत समिती उत्तर सोलापूर कार्यालय व शिवाजी महाराज उद्यान तर जिल्ह्यातील सर्व विभाग प्रमुखांनी तसेच त्यांच्या अधिनस्त अधिकारी व कर्मचारी यांनी पारंपारिक वेशभूषेत पदयात्रेत सहभागी व्हावे, असे आवाहन निवासी उपजिल्हाधिकारी पाटील यांनी दिले आहेत.