वै. मातोश्री जनाबाई अनंत इंगळे यांच्या तृतीय पुण्यतिथी प्रित्यर्थदि.09-02-2026 (सोमवार ) रोजी स.10 ते 12 गुलालाचे कीर्तन ह भ प चैतन्य देहूकर ( संत जगद्गुरू तुकाराम वंशज ) यांचे झाले व नंतर पुरस्कार सोहळा संपन्न झाला.
वारकरी संप्रदायामध्ये ज्या महिलानी व महिला भजनी मंडळानी विशेष योगदान दिले आहे. आषाढी वारी, माघवारी किंवा सप्ताह मध्ये विशेष सेवा केलेली आहे. शिवाय निष्ठा आणि श्रद्धा यांचा समन्वय हाच आदर्श मानून जीवन जगणाऱ्या एका महिलेला ह भ प सुभद्राबाई ज्ञानदेव गायकवाड (कोयना नगर ) व रुक्मिणी महिला भजनी मंडळ मित्रनगर, शेळगी (अध्यक्ष अनिता तंबाके) या महिला भजनी मंडळाला ह भ प अनंत (बापू) इंगळे महाराज यांच्या अध्यक्षते खाली ह भ प चैतन्य महाराज देहूकर, ह भ प जोतिराम चांगभले (प्रदेश अध्यक्ष) यांच्या शुभ हस्ते संजय पवार (शहर अध्यक्ष), किसन बापू कापसे (प्रदेश उपाध्यक्ष), ज्ञानेश्वर माऊली भगरे (जिल्हा अध्यक्ष), पार्वती आवताडे, दिनकर देशमुख, दगडू डोंगरे, इ. पदाधिकारी यांच्या प्रमुख उपस्थिती मध्ये ट्रॉफी व शॉल देऊन सन्मानित केले .
तसेच वारकरी संप्रदायातील प्रमुख कीर्तनकार महाराज, गायक, वादक, माघवारी पालखी सोहळा समिती 2026 पदाधिकारी यांचा ही सन्मान करण्यात आला . श्री संत मुक्ताई मंदिर, राजेश कोठे नगर, लक्ष्मी पेठ, सोलापूर या ठिकाणी हा कार्यक्रम संपन्न झाला असून या वेळी शेकडो महिला व पुरुष भाविक उपस्थित होते. कार्यक्रमा नंतर सर्वासाठी महाप्रसाद ठेवण्यात आला होता. या कार्यक्रमासाठी तानाजी दादा बेलेराव, शंकर भोसले, बाळकृष्ण इंगळे, किशोर धायगुडे, प्रभाकर ताटे यांनी परिश्रम घेतले.
