आजपासून रेल्वेचा प्रवास महागणार

रेल्वे मंत्रालयाने काल प्रवासी भाड्यात वाढ करण्याचे अधिकृत अधिसूचना जारी केली असून नवे दर आज पासून लागू होणार आहेत. वर्षातील ही दुसरी दरवाढ असून लांब पल्ल्याच्या प्रवासासाठी आता प्रवाशांना एक ते दोन पैसे प्रति किलोमीटर दराने अतिरिक्त मोजावे लागतील. यापूर्वी जुलै महिन्यातही रेल्वे भाड्यात वाढ करण्यात आली होती. 215 किलोमीटर पर्यंतच्या प्रवासासाठी तिकीट दरात कोणतीही वाढ करण्यात आलेली नाही. त्यामुळे रोजच्या पासधारक प्रवाशांना याचा फटका बसणार नाही. साधारण नॉन एसी कोचसाठी एक पैसा वाढ , तर मेल, एक्सप्रेस नॉन एसी व एसीसाठी साठी दोन पैसे वाढ करण्यात आली आहे.