नाशिक – ठाकरे सेनेचे दोन माजी महापौर विनायक पांडे आणि यतिन वाघ यांनी भाजपामध्ये जाहीर प्रवेश केला. मंत्री गिरीश महाजन यांनी हे ऑपरेशन लोटस घडवून आणले.
या प्रवेशास ज्येष्ठ नेत्या तथा आमदार देवयानी फरांदे यांनी तीव्र विरोध दर्शवला होता. कार्यकर्त्यांचं बळी देणं हे बरोबर नाही असे म्हणत त्या पत्रकारांसमोर भावूक झाल्या. आजचा प्रवेश हे मनाला आवडलं नाही. दलालांकडून तिकिटांचे वाटप चालू आहे. गिरीश महाजनांवर मी व्यक्तिशः नाराज नसून त्यांना चुकीचं ब्रीफिंग केलं जातं, असे म्हणत त्यांनी आपल्या भावना मोकळ्या केल्या. या प्रवेशापूर्वी भाजपाच्या कार्यकर्त्यांनी महाजनांना घेराव घालत मोठा गोंधळ घातला.
