राज्यामध्ये अपघातांचे प्रमाण कमी करण्यासाठी वाहन परवाना मिळवताना आरटीओ मध्ये घेतली जाणारी ड्राइविंग टेस्ट आता CCTV च्या निगराणीत होणार आहे.ठराविक वेळापत्रक, ऑन कॅमेरा टेस्ट आणि वरिष्ठ अधिकाऱ्यांकडून पास झालेल्यांची पुन्हा ड्रायव्हिंग टेस्ट होणार आहे.आरटीओ कार्यालयांना 30 दिवसाच्या आत सीसीटीव्ही कॅमेरे बसवावे लागणार आहेत.दुचाकी व तीन चाकी साठी पाच मिनिटे ड्राईव्ह टेस्ट असून कार व मध्यम चार चाकी साठी सात मिनिटे तर अवजड वाहनांसाठी दहा मिनिटे ड्रायव्हिंग टेस्ट घेण्यात येणार आहे.
