आयुक्तांनी विधानसभा उपाध्यक्षांना दिली पुन्हा ‘ही’ खोटी माहिती..!

सोलापूर शहरातील 103 वर्ष जुना झालेला दमानी नगर येथील ब्रिज आज मध्यरात्रीपासून बंद करण्यात येणार आहे. याचा वाहतूककीवर खूप मोठा परिणाम होणार आहे. मरीआई चौक, शेटे वस्ती या दोन पर्यायी मार्गावर प्रचंड मोठी वाहतुकीची कोंडी दिसणार आहे तर 54 मीटरचे काम अजूनही सुरूच आहे. नागपुरात सोलापूर शहरातील विविध प्रश्न संदर्भात झालेल्या बैठकीत पत्रकारांनी ५४ मीटर रस्त्याच्या कामाबाबत झालेली दिरंगाई विधानसभा उपाध्यक्ष अण्णा बनसोडे यांच्या निदर्शनास आणून दिली. आयुक्तांनी 54 मीटर रस्त्यावरून वाहतूक सहा डिसेंबर पासून सुरू होईल असे सुरुवातीला सांगितले. नंतर त्यांनी दहा डिसेंबरची तारीख दिली. तर काल झालेल्या बैठकीत अण्णा बनसोडे यांनी 54 मीटरचे काम कधी होईल असे आयुक्तांना विचारल्यावर त्यांनी आठ दिवसात पूर्ण होईल असे सांगितले. त्यामुळे आणखी किमान दहा दिवस 54 मीटरचा जो सक्षम पर्याय आहे त्यावरून वाहतूक सुरू होणार नाही.. तोपर्यंत सोलापूरकरांना वाहतूक समस्येचा मोठा सामना करावा लागणार आहे.