‘टीईटी’ विरोधात आज शिक्षक संघटना मोर्चा काढून दाखवणार ताकद..!

2013 पूर्वी नियुक्त झालेल्या शिक्षकांना टीईटी परीक्षा सक्तीची करू नये या प्रमुख मागणीच्या विरोधात आज राज्यभरातील सर्व शिक्षक संघटना राज्यव्यापी संप करणार आहेत. या संपात राज्यातील शिक्षक, शिक्षकेतर कर्मचारी सहभागी होणार आहेत.त्यामुळे सुमारे 80 हजार शाळा आज बंद राहण्याची शक्यता आहे . विशेष म्हणजे सत्ताधारी पक्षातील शिक्षक आमदारांनी देखील या मोर्चाला पाठिंबा दिला आहे तर बंदमध्ये सहभागी होणाऱ्या शिक्षकांचा एक दिवसांचा पगार कपात केला जाणार आहे असे शिक्षण विभागाने स्पष्ट केले आहे. शिक्षण मंत्र्यांनी संप मोडून काढण्याचा प्रयत्न केला मात्र संघटना संपावर ठाम आहे. सोलापूर जिल्हाधिकारी कार्यालयावर विविध शिक्षक संघटना दुपारी एक वाजता महाएल्गार आक्रोश मोर्चा काढणार आहेत . या माध्यमातून शिक्षक संघटना आपली ताकद दाखवण्याचा प्रयत्न करणार असून याची शासन दखल घेणार की टीईटी सक्ती राहणारच या निर्णयाकडे शिक्षण क्षेत्राचे लक्ष लागले आहे.