पिस्टल, काडतूस बाळगल्याप्रकरणी आरोपीस जामीन..

सोलापूर – देशी बनावटीचे पिस्टल व काडतूस बाळगल्याप्रकरणी आरोपीस सोलापूर न्यायालयातून सशर्त जामीन मंजूर करण्यात आला. सोलापूर ते विजापूर महामार्गावर, नांदणी टोल नाक्याजवळील हॉटेल शरण बसवेश्वरच्या पुढे बेकायदेशीररित्या देशी बनावटीचे पिस्टल (गावठी) आणि दोन जिवंत काडतुसे बाळगल्याच्या गंभीर आरोपाखाली मंद्रुप पोलीस ठाण्यात आरोपी हुसेन बाशा अब्दुल रजाक सय्यद (वय ४६, रा. जवाहर नगर, शेळगी, सोलापूर) याच्याविरुद्ध गुन्हा नोंदविण्यात आला होता. तपासात सदर शस्त्र आणि मोटारसायकल असा एकूण रु. ३५ हजार ४०० किमतीचा मुद्देमाल जप्त करण्यात आला होता. त्यानंतर आरोपीचा न्यायालयात रिमांडमध्ये जामिनासाठी अर्ज दाखल करण्यात आला. आरोपीने कोणताही परिणाम करणार नाही. तसेच तो न्यायालयाच्या सर्व अटींचे पालन करेल. म्हणून जामीन मंजूर करण्यात यावा अशी विनंती करण्यात आली. दोन्ही बाजूंचा युक्तिवाद ऐकल्यानंतर, प्रथम वर्ग न्यायदंडाधिकारी एस. पी. शिलवंत यांनी आरोपी हुसेन बाशा अब्दुल रजाक सय्यद यास सशर्त जामीन मंजूर केला. या प्रकरणात आरोपीतर्फे ॲड. कदीर औटी, ॲड. दत्तात्रेय कापुरे, ॲड. वैभव बोंगे, ॲड.ओंकार फडतरे, ॲड रोहित थोरात, ॲड. मोहीम पठाण, ॲड. शिवरत्न वाघ, ॲड. मनिष बाबरे, ॲड अभिषेक नागटिळक, ॲड. अजय वाघमारे आणि ॲड.त्वरिता वाघ यांनी काम पाहिले.