सोलापूर जिल्हा परिषद निवडणुकीसाठी बी प्लान तयार ठेवा, स्वतंत्र लढा, विरोधकांना त्यांची जागा दाखवू , आपण कोण आहोत हे दाखवून देऊ अशा कार्यकर्त्यांच्या भावना समजून घेत माजी आमदार दिलीप माने यांनीही स्वाभिमान विकणार नाही. तिनही जिल्हा परिषद गट लढवणार आणि जिंकणारच असा निर्धार व्यक्त केला.
उत्तर सोलापूर तालुक्यातील कार्यकर्त्यांची बैठक तिर्हे येथील फार्म हाऊसवर पार पाडली. यावेळी माजी आमदार दिलीप माने यांनी आता कोठे जावं असं वाटत नाही. स्वाभिमानेनं राहायचं आहे. निर्णय घेताना किती तरी वेदना होत असल्या तरी पंचायत समिती ,जिल्हा परिषद गट लढविणार आणि जिंकणार असे मत व्यक्त केले.
