नगरसेवकांची उदासीनता सोलापूर महापालिकेच्या आगामी निवडणुकीसाठी 102 जागांसाठी आज हुतात्मा स्मृती मंदिरात आरक्षण सोडत काढण्यात आली. यामध्ये 51 जागा या महिलांसाठी राखीव करण्यात आल्या. यामध्ये सर्वसाधारण गटातील 58 जागांपैकी महिलांसाठी 28, ओबीसी च्या 27 जागांपैकी महिलांसाठी 14 जागा सोडत पद्धतीने आरक्षित करण्यात आल्या. अनुसूचित जमातीच्या 2 जागां पैकी प्रभाग 25 मध्ये एकमेव जागा एसटी महिलेसाठी राखीव करण्यात आली. माझी उपमहापौर राजेश काळे यांच्या प्रभाग 24 मध्ये एसटी महिला आरक्षण पडल्यामुळे त्यांना आता दुसरा पर्याय शोधावा लागणार आहे. शिवा बाटलीवाला यांच्या प्रभाग 25 मध्ये देखील एससी महिलेचे रिझर्वेशन पडले आहे. वैभव हात्रे सुभाष शेजवाल यांच्या प्रभाग 25 मध्ये देखील महिला आरक्षण पडले.
माजी आमदार दिलीप माने यांची बंधू जयकुमार माने यांच्या प्रभाग 26 मध्ये तीनच नगरसेवक असणार असून त्यामध्ये एक एससी महिला एक ओबीसी महिला आणि एक जागा ओपन असल्यामुळे जयकुमार माने खुश झाले आहेत. प्रभाग सात मध्ये खूप मोठी चुरस पाहायला मिळणार आहे या प्रभागात एक ओबीसी महिला एक ओपन महिला आणि दोन जागा खुल्या झाल्या आहेत. या प्रभागामध्ये अमोल शिंदे, श्रीकांत घाडगे, नाना काळे, सारिका पिसे, यांची नावे चर्चेत आहेत. आनंद चंदनशिवे, चेतन नरोटे, तौफिक शेख, बाबा मिस्त्री, नागेश ताकमोगे यांच्या जागा महिला आरक्षण न पडल्यामुळे वाचले आहेत. प्रवीण निकाळजे मनोज शेजवाल यांना आता दुसरा पर्याय शोधावा लागणार आहे. एकूणच आज झालेल्या आरक्षण स्मृतीमध्ये विद्यमान किमान 20 नगरसेवकांना आरक्षणामुळे घरचा रस्ता धरावा लागणार आहे. आज काढण्यात आलेल्या आरक्षण सोडतीच्या वेळी 2017 मध्ये निवडून आलेल्या 102 पैकी एक देखील नगरसेवक उपस्थित नव्हता ही त्यांची उदासीनता दिसली तर मेंबर होण्यासाठी हुतात्मा स्मृती मंदिरात नवखेच चेहरे दिसले हे विशेष.
