विश्वकर्मा फाउंडेशन व अहिल्यादेवी सेवा सहकारी संस्था मर्यादित यांच्या संयुक्त विद्यमानाने आयोजित उद्योजक व्हा या शिबिरात प्रमुख पाहुणे प्रशांत बडवे यांनी उपस्थित महिलांना आव्हान केले.
उद्घाटन कार्यक्रमाचे अध्यक्ष शिवाजी पवार यांनी महिलांमध्ये उद्योजकांचे गुण उपजत असतात त्यामुळे त्या चागल्या उद्द्योजक होऊ शकतात असे सांगितले.कार्यक्रमाला प्रमुख उपस्थित असलेले सुशांत बाबरे यांनी या शिबिराचा उपयोग करून महिलांनी उद्योगाची सुरुवात करावी अशी आव्हान केले.या शिबिरातील पहिले सत्र नागेश कोकरे यांनी घेतले या सत्रात त्यांनी महिलांना उद्योग करण्यासाठी प्रेरणा मिळावी अशी काही उदाहरणे सांगितले तसेच उद्द्योजकीय गुण व स्वतःचे SWOT अनलेसेस कसे करावे आपले स्ट्रॉग पॉईंट काय आहेत आपली कमतरता काय आहे व ती कमतरता दूर करण्यासाठी काय करावे लागेल याचे मार्गदर्शन केले.
दुसरा सत्रात सुहास जोशी यांनी एजन्सी लाईन मध्ये काय काय धोके असतात त्याची नियमावली काय आहे त्याचे पेमेंट कधी व कसे करू शकतात व कमीत कमी किती रुपयांमध्ये हा व्यवसाय चालू करू शकतो या विषयातील मार्गदर्शन केले.
तिसऱ्या सत्रात विनायक बंकापुरे यांनी गारमेंट व्यवसाया बद्दल माहिती दिली तसेच गारमेंट व्यवसायात मोठ्या प्रमाणात गुंतवणूक करून व्यवसाय केला पाहिजे असे काही नाही असे सांगितले तुम्ही फक्त काजी करायचे मशीन घेऊन व्यवसाय सुरु करू शकता बटन लावण्याचा व्यवसाय सुरू करू शकता किंवा इस्त्री व पेंकिंगचा व्यवसाय सुरू करू शकता पाच ते दहा मशीन घेऊन छोट्या स्वरूपात व्यवसाय करू शकता व त्यासाठी आवश्यकता काय आहे व तो कसा करावा या विषयात मार्गदर्शन केले.
चौथा सत्रामध्ये घरगुती उद्योग करणाऱ्या श्रुती ओगले या घरामध्ये ढोकळा पुरणपोळी तयार करून घरपोच सेवा देतात त्यांची व तावसे जे घरामध्ये इडली तयार करून घरपोच सेवा देतात त्यांची मुलाखत हे चन्नावीर बंकुर यांनी घेतली या मुलाखतीमध्ये यांनी कमीत कमी भांडवलामध्ये व्यवसाय कसा केला व त्यांना सुरुवातीला कोणल्या अडचणी आल्या याविषयी माहिती सांगितली.
श्रुती ओगले यांनी घर व मुले सांभाळून व्यवसाय कसा वाढवला व या कामात त्यांना घरच्यांची मदत कशी झाली याबाबत त्या बोलल्या
पाचव्या सत्रामध्ये दत्ता ते चौगुले यांनी शेतीला पूरक व प्रक्रिया उद्योग व्यवसायाची माहिती दिली तसेच मालावर प्रक्रिया केल्यानंतर त्याची किंमत अनेक पटीने वाढते याची माहिती दिली.
