सोलापूर महानगरपालिकेचे आयुक्त डॉ. सचिन ओम्बासे यांच्या आदेशानुसार, श्री. तैमूर मुलाणी, उपायुक्त यांचे मार्गदर्शनाखाली स्वच्छ व सुंदर सोलापूर मोहिम राबविण्यात येत असुन शहरातील मुख्य रस्त्यांवरील दुभाजक व फुटपाथ परिसर स्वच्छ करण्याचे काम उद्यान विभागामार्फत सुरू करण्यात आले आहे.
या मोहिमेअंतर्गत दुभाजकातील कात्रण करणे, गवत व काटेरी झुडपे काढणे, तसेच रस्त्यांचे सुशोभीकरण करण्यात येत आहे. विशेष म्हणजे, नागरिकांच्या दैनंदिन वाहतुकीस अडथळा न होता ही कामे करण्यात येत आहे.छत्रपती संभाजी महाराज चौक ते अभिमानश्री,नविवेस पोलीस चौकी ते भैय्या चौक,मेक्यनिकाल चौक ते सात रस्ता चौक,सात रस्ता पेट्रोल पंप ते पत्रकार भवन चौक,रंगभवन चौक आयलंड,सात रस्ता आयलंड,काळजापूर मारुती मंदिर ते एम्प्लॉयमेंट चौक या उपक्रमामुळे शहरातील प्रमुख रस्त्यांचे दुभाजक व फुटपाथ स्वच्छ व आकर्षक होत असून नागरिकांना सुखद व सुरक्षित वातावरण मिळणार आहे. गवत व काटेरी झुडपे काढल्यामुळे अपघाताचा धोका कमी होणार आहे, तसेच शहराचे सौंदर्य अधिक खुलणार आहे.
आयुक्त डॉ. सचिन ओम्बासे यांनी सांगितले की, “सोलापूर शहर स्वच्छ, हरित व सुंदर बनविण्यासाठी महापालिका प्रशासन सातत्याने प्रयत्नशील आहे. नागरिकांनीही आपल्या परिसरातील स्वच्छतेबाबत जबाबदारी घेत सहकार्य करावे.”
सोलापूर महानगरपालिका प्रशासनाच्या या उपक्रमाचे नागरिकांकडून स्वागत होत असून शहर हरित व सुंदर करण्याच्या दिशेने हा महत्त्वाचा टप्पा मानला जात आहे.
