सहस्त्रार्जुन प्रशालेत राज्यभाषा मराठी दिन विविध उपक्रमांनी उत्साहात संपन्न
सहस्त्रार्जुन प्रशालेत आज दिनांक 27 फेब्रुवारी कवी कुसुमाग्रज यांचा जन्मदिन मराठी दिन अतिशय उत्साह संपन्न झाला कार्यक्रमाच्या अध्यक्षस्थानी डॉ. विष्णू रंगरेज होते तर प्रमुख उपस्थिती सिद्धेश्वर प्रशालेचे माजी मुख्याध्यापक मन्मथ उकरंडे, प्राथमिक विभागाच्या मुख्याध्यापिका मंजुषा काशीद होते याप्रसंगी विद्यार्थ्यांनी राज्यभाषा गौरव दिनानिमित्त स्वतः च्या लेखणी तून तयार केलेल्या हस्तलिखित पुस्तकाचे प्रकाशन उपस्थित संस्थेचे सदस्य अनिल रंगरेज व प्रमुख अतिथी सिद्धेश्वर प्रशालेचे माजी मुख्याध्यापक मन्मथ उकरंडे यांच्या शुभ हस्ते करण्यात आले.
या हस्तलिखित मध्ये संत श्रेष्ठ ज्ञानेश्वर माऊली पासून ते आधुनिक लेखका पर्यंत ५१ लेख लिहून सुंदर असे हस्तलिखित विद्यार्थ्यांनी तयार केले. या हस्तलिखिताचे नियोजन संकलन संपादन सहशिक्षिका वैशाली अघोर यांनी केले. या कार्यक्रमात विद्यार्थ्यांनी कुसुमाग्रज,विंदा, साने गुरुजी बाबा बोरकर वगैरे कवींच्या तासाला जाऊन मराठीची अविट गोडी चाखावी असा मनोदय व्यक्त करणारा संवाद सादर केला .मराठी भाषेचे महत्व जाणं जपा असा संदेश व्यक्त करून कुसुमाग्रजांच्या मंगेश पाडगावकरांच्या विविध कवितांचा मागवा घेत मराठीचे वैभव मन्मथ उकरंडे सोदाहरण स्पष्ट केले. मंजुषा माने यांनी संत साहित्य व सोलापूरच्या मराठी भाषेचे महत्त्व स्पष्ट केले.
प्रशालेचे मुख्याध्यापक भगवंत उमदीकर यांनी सर्व भाषांचा आदर करावा असा संदेश दिला कार्यक्रमात अध्यक्षीय समारोप करताना मराठी भाषेचे श्रेष्ठत्व, वर्तनातून संस्काराचे महत्त्व कसे दिसावे याविषयी डॉक्टर विष्णू रंगरेज यांनी मार्गदर्शन केले कार्यक्रमाचे सूत्रसंचालन इयत्ता 9 मधील अनिता बडूरे व प्रगती भोसले या विद्यार्थिनींनी केले .आभार अक्षरा पवार या विद्यार्थिनीने मांडले याप्रसंगी सर्व शिक्षक, विद्यार्थी व शिक्षकेतर कर्मचारी उपस्थित होते.
