येस न्युज नेटवर्क : 2000 रुपयांच्या नोटा आजच बदलून घ्या. कारण उद्या त्या नोटा तुम्हाला बदलून मिळणार नाहीत. उद्यापासून 2000 रुपयांच्या नोटा व्यवहारात वापरता येणार नाहीत. त्यामुळं 2000 रुपयांच्या नोटा बदलून घेण्यासाठी तुमच्याकडे अवघे काही तासच शिल्लक आहेत.
रिझर्व्ह बँकेने दिलेल्या माहितीनुसार उद्यापासून 2000 रुपयांच्या नोटा स्विकारल्या जाणार नाहीत. सोबतच सर्क्युलेशनमधून देखील दोन हजार रुपयांची नोट बाद होणार आहे. दरम्यान, सर्क्युलेशनमधून जरी दोन हजार रुपयांची नोट बाहेर काढली जाणार असली तरी ती लिगल टेंडर ग्राह्य धरली जाणार आहे. मात्र व्यवहारात वापरता येणार नाही. दोन हजार रुपयांची नोट उद्यापासून बदलता येणार की नाही याबाबत मात्र अजूनही स्पष्टता नाही. 1 सप्टेंबर रोजी आरबीआयकडून दोन हजार रुपयाच्या नोटांसंदर्भात माहिती जारी करण्यात आली होती. ज्यामध्ये मे महिन्यापासून 93 टक्के दोन हजार रुपयांच्या नोटा बॅंकिंग सिस्टिममध्ये परतल्या होत्या. आरबीआयकडून ‘क्लीन नोट पॉलिसी’च्या अनुषंगाने चलनातील नोटा बाद करण्याचा निर्णय घेण्यात आला होता.