No Result
View All Result
- सोलापूर – नेहरु युवा केंद्र, सोलापुर व सारथी युथ फाऊंडेशन यांच्यावतीने महिला दिनानिमित्ताने १ मार्च ते ८ मार्च या दरम्यान महिला सप्ताह साजरा करण्यात आला. या सप्ताहामध्ये महिलांसाठी विविध स्पर्धा व कार्यक्रमांचे आयोजन करण्यात आले होते.
- या कार्यक्रमास नेहरु युवा केंद्र, सोलापुरचे जिल्हा युवा अधिकारी अजित कुमार, माजी नगरसेवक गुरुशांत धुत्तरगावकर, इनरव्हील क्लबच्या अध्यक्षा हेमा पटेल उपस्थित होते. यावेळी बोलताना गुरुशांत धुत्तरगावकर म्हणाले, “समाजात यशस्वी झालेल्या महिलांप्रमाणे स्वत:ला बनविण्याचा प्रयत्न करावा. स्वत:मधील नेतृत्व गुण विकसित करावेत.”
- यावेळी नेहरु युवा केंद्र सोलापुर चे जिल्हा युवा अधिकारी अजित कुमार, इनरव्हील क्लबच्या अध्यक्षा हेमा पटेल, एमजीव्हीएस संस्थेच्या राज्य प्रकल्प समन्वयीका झिया शेख यांनी महिला दिनाच्या शुभेच्छा दिल्या. तसेच सारथी युथ फाऊंडेशन संचलित कौशल्य विकास प्रशिक्षण केंद्रातुन प्रशिक्षण घेऊन स्वावलंबी झालेल्या २७ महिलांचा सक्षम महिला म्हणुन गौरव करण्यात आला. महिला दिनानिमीत्त आयोजित करण्यात आलेल्या रांगोळी स्पर्धा, संगीत खुर्ची स्पर्धा, मेंहदी स्पर्धा व पारंपरिक वेशभुषा स्पर्धेचे बक्षिस वितरण करण्यात आले. सारथीच्या प्रशिक्षणानंतर झालेल्या बदलाविषयी व स्पर्धेविषयी सहभागींनी आपली मनोगते व्यक्त केली.
- कार्यक्रम यशस्वी करण्यासाठी सारथी युथ फाउंडेशनचे अध्यक्ष अॅड. जावेद नगारे, सचिव रामचंद्र वाघमारे, कोअर कमिटी सदस्य बसवराज जमखंडी, हणुमंत सलगर, स्वप्निका बायस, तुकाराम चाबुकस्वार, प्रशिक्षिका भाग्यश्री चाबुकस्वार, वालचंद समाजकार्य विभाग विद्यार्थी दिपक चिंता, अश्विनी काळे, जीवन सोनवणे आदिंनी परिश्रम घेतले.
No Result
View All Result
