मुंबई : अॅड. गुणरत्न सदावर्ते यांना उच्च न्यायालयाने मोठा दिलासा दिला आहे. पुण्यात दाखल करण्यात आलेल्या गुन्ह्यामध्ये त्यांना अटकपूर्व जामीन मंजूर करण्यात आला आहे. एका वृत्तवाहिनीवर बोलताना मराठा समाजाबद्दल सदावर्तेंनी आक्षेपार्ह वक्तव्य केलं होतं. त्यावरून पुण्यात त्यांच्यावर गुन्हा नोंद करण्यात आला आहे.
शरद पवारांच्या घरावरील हिंसक आंदोलन प्रकरणी सदावर्तेंना जामीन मिळूनही ते अद्याप जेलमध्येच आहेत. कारण अद्याप त्यांनी जामीनाच्या अटीशर्तींची पूर्ताता केलेली नाही. मराठा समाजाविरोधात आक्षेपार्ह वक्तव्य सदावर्तेंनीच केलं होतं हे तपासण्यासाठी त्यांच्या आवाजाचे नमुने घेणं गरजेचं असल्याचं राज्य सरकारची उच्च न्यायालयाला सांगितलं होतं. मात्र, सातारा पोलिसांनी याच संदर्भात दाखल अन्य गुन्ह्यात सदावर्तेंच्या आवाजाचे नमुने घेतल्यानं पुन्हा त्याची गरज काय? असा सवाल न्यायालयाने केला. पुण्यातील भारती विद्यापीठ पोलीस ठाण्यात सदावर्ते यांच्याविरोधात मराठा समाजाविरोधात आक्षेपार्ह वक्तव्य केल्याप्रकरणी गुन्हा दाखल झाला आहे.
