सोलापूर – महागाईने सामान्य जनतेचे कंबरडे मोडले आहे. अनेकांना प्रपंच चालविणे मुश्किल बनले आहे. महागाई आणि बेरोजगारी कमी करण्याचे आश्वासन देऊन कमळाच्या साक्षीने सत्तेवर आलेल्या मोदी सरकारचा सोलापूर शहर राष्ट्रवादी युवक काँग्रेसच्यावतीने प्रतिकात्मक स्वरुपात जनतेला कमळाची फुले वाटप करून पंतप्रधान मोदी यांचे छायाचित्र असलेल्या “एप्रिल फुल” निषेधाचा केक कापून निषेध नोंदविण्यात आला.राष्ट्रवादी युवकचे सोलापूर शहराध्यक्ष जुबेर बागवान यांच्या नेतृत्वाखाली शनिवारी सकाळी अक्कलकोट रोडवरील पेट्रोल पंपावर हे आंदोलन करण्यात आले. यावेळी पेट्रोल भरण्यासाठी आलेल्या वाहधारकांना कमळाचे प्रतिकात्मक फुल देऊन निषेधाच्या घोषणा देण्यात आल्या.
यावेळी प्रदेश उपाध्यक्ष प्रशांत बाबर, अहमद मासुलदार, आशिष बसवंती, मुसा अत्तार, प्रशांत फाळके, विक्रांत खुणे, महेश पवार, कृणाल वाघमारे, हुसेन शहानुरकर, मुझफ्फर बागवान, जहीर गोलंदाज, सर्फराज बागवान, सादिक कुरेशी, विश्वनाथ बिडवे, मोहसीन मुजावर, शुभम शितोळे, रियाज अत्तार, इरफान शेख, अबादिराजे बागवान आदी कार्यकर्ते उपस्थित होते.
कमल का फुल नव्हे एप्रिल फुल
पंतप्रधान नरेंद्र मोदी यांनी महागाई कमी करू,बेरोजगारांना रोजगार देऊ,युवकांना नौकऱ्या देऊ, देशातील प्रत्येक नागरिकाच्या बँक खात्यावर १५ लाख रुपये टाकू अशी कमळाच्या साक्षीने खोटी आश्वासने देऊन सामान्य जनता व युवकांची फसवणूक करून देशाची सत्ता हस्तगत केली.आज देश महागाईत होरपळून जात आहे. मात्र मोदी सरकारला याचे कसलेच भान राहिलेले दिसत नाही.शेतकऱ्यांच्या जीववर उठलेले केंद्रातील हे मोदी सरकार खऱ्या अर्थाने “एप्रिल फुल “करण्याच्या लायकीचेच सरकार आहे.”कमल का फुल नव्हे तर एप्रिल फुल “अशीच या मोदी सरकारला उपमा द्यावी लागणार आहे. महागाईचा आगडोंब सुरू असताना भाजप सरकारमधील नेते मूग गिळून गप्प आहेत ,हे देशासाठी लाजिरवाणे आहे. कृषिप्रधान देशात शेतकरी आत्महत्येनंतर आता महागाईमुळे प्रपंच चालविणे मुश्किल बनल्यामुळे होणाऱ्या नागरिकांच्या आत्महत्यांची मोदी सरकार वाट पाहत आहे काय ? देशाचे वाटोळे करणाऱ्या मोदी सरकारने महागाई कमी करण्यासाठी तातडीने ठोस पाऊल उचलावे अन्यथा महागाई विरोधात जनतेला सोबत घेऊन उग्र आंदोलन छेडावे लागेल.
- जुबेर बागवान : शहराध्यक्ष, राष्ट्रवादी युवक काँग्रेस पार्टी सोलापूर