उद्योगात मनुष्यबळाच्या सुरक्षेला सर्वाधिक प्राधान्य महत्वाचे
सोलापूर : प्रिसिजन कॅमशाफ्ट्स लिमिटेड कंपनी मध्ये ५१ वा राष्ट्रीय सुरक्षा सप्ताह साजरा करण्यात आला त्यावेळी कंपनीमधील सर्व कर्मचाऱ्यांनी सुरक्षा शपथ घेतली. प्रिसिजन उद्योग समूहात कर्मचारी हा केंद्रबिंदू मानून काम केले जाते.उद्योगामध्ये कर्मचाऱ्यांच्या सुरक्षेची सर्वाधिक काळजी घेतली जाते. प्रत्येक कर्मचाऱ्याला सुरक्षा विषयात प्रशिक्षण दिले जाते.
“तरुण मनांचे करा संवर्धन तर होईल सुरक्षा संस्कृतीचे रक्षण” हि यावर्षीची सुरक्षा सप्ताहाची थीम होती.या थीम ला अनुसरून सप्ताहात विविध स्पर्धांचे आयोजन करण्यात आले होते, सुरक्षा घोषवाक्य स्पर्धा,सुरक्षा पोस्टर स्पर्धा, सुरक्षा कविता व प्रश्नमंजुषा अशा स्पर्धा घेण्यात आल्या. रस्ता सुरक्षा, काम करत असताना वैयक्तिक घ्यायची काळजी, स्वतः नियमांचे पालन केले तरच शून्य अपघाताचे ध्येय गाठता येईल यातूनच कंपनीमधील वातावरण अधिक सुरक्षित राहील.आरोग्य, पर्यावरण तसेच वैयक्तिक सुरक्षा साधने यांच्या वापराचे महत्व याची माहिती कर्मचाऱ्यांना कंपनीचे वरिष्ठ सुरक्षा व्यवस्थापक सुहास पाटील यांनी दिली. कंपनी मध्ये सर्वांना वेळोवेळी प्रथमोपचार व अग्निशमन याचे प्रशिक्षण दिले जाते.या सोबतच संपूर्ण सुरक्षा सप्ताहात प्रत्येक विभागात सुरक्षा साधनांचे प्रदर्शन हि ठेवण्यात आले होते.सदर कार्यक्रमास सहाय्यक सरव्यवस्थापक चिदानंद मुंदोडगी, वरिष्ठ व्यवस्थापक मनुष्यबळ संजीव माळवदकर, माधव देशपांडे जनसंपर्क अधिकारी, वरिष्ठ व्यवस्थापक प्रशासन सिद्धेश्वर चंदनशिवे, सहयोगी व्यवस्थापक प्रशासन सर्व प्लांट हेड दीपक राजपूत व अधिकारी व कर्मचारी उपस्थित होते.
