प्रिसिजन कॅमशाफ्ट्स मध्ये महिला दिन उत्साहात साजरा
सोलापूर- नोकरदार महिलांसाठी उत्तम आहार हीच आरोग्याची आणि पर्यायाने यशाची गुरुकिल्ली आहे. महिलांनी आपल्या आहारवर विशेष लक्ष देणे आवश्यक आहे. आहार योग्य असेल तरच महिला स्वतःला आजारमुक्त व तणावमुक्त ठेवून काम करू शकतील, असे प्रतिपादन डॉ किरण पाठक यांनी केले.
प्रिसिजन कॅमशाफ्ट्स लिमिटेड कंपनीमध्ये जागतिक महिला दिन साजरा करण्यात आला. त्यावेळी डॉ. किरण पाठक बोलत होत्या. महिलांचे आरोग्य, आहार आणि वर्क – लाईफ बॅलन्स हा त्यांच्या व्याख्यानाचा विषय होता.
कार्यक्रमाच्या सुरवातीस स्व. डॉ मंजिरी चितळे यांना श्रद्धांजली अर्पण करण्यात आली.प्रिसिजन फॉउंडेशनच्या अध्यक्षा डॉ. सुहासिनी शहा यांनी आपल्या प्रास्ताविकात बोलताना प्रिसिजन समूहातील अनेक उपक्रमाबद्दल माहिती दिली.भेदभाव मुक्त समाज आणि समाजा बद्दलचे आपले देणे हा वारसा व संस्कार डॉ. मंजिरी चितळे यांच्याकडून मिळाले. तेच संस्कार आज प्रिसिजन परिवाराच्या माध्यमातून आपण घेऊन जात आहोत असे त्यांनी सांगितले.
प्रिसिजन कंपनीमध्ये प्रत्येक वर्षी मोठ्या उत्साहात महिला दिन साजरा केला जातो. कंपनीतील महिला कर्मचारी आजचा दिवस सणाप्रमाणे साजरा केला जातो.
कंपनीमध्ये काम करणाऱ्या सर्व महिलांसाठी महिला दिनानिमित्त डॉ किरण पाठक यांचे व्यख्यानांनंतर सर्व महिला कर्मचाऱ्यांना डॉ किरण पाठक यांच्या हस्ते भेट वस्तू देण्यात आल्या.या कर्यक्रमाचे सूत्रसंचालन स्नेहा सपकाळ यांनी केले.कार्यक्रमानंतर सर्व महिलांनी कंपनीमधील हिरवळीवर फोटो सेशन केले व कार्यक्रमाची सांगता उत्साहात झाली.
