सोलापूर : शहरातील विविध परिसरातून मोटरसायकली चोरणाऱ्या एका अट्टल चोरट्यास विजापूर नाका गुन्हे प्रकटीकरण पथकाने गजाआड करून त्याच्याकडून चोरीतील सात मोटारसायकली असा ऐकूण ३ लाख ७० हजार रुपये किमतीचा मुद्देमाल हस्तगत करण्यात आला आहे.
नितीन उर्फ निखील मारुती कांबळे वय 32 राहणार आदित्य नगर विजापूर रोड सोलापूर असं मोटरसायकली चोरीप्रकरणी अटक करण्यात आलेल्या सराईत गुन्हेगाराच नाव आहे. यातील सराईत गुन्हेगार हा शहरातील विविध पोलीस ठाणे हद्दीतील गर्दीच्या ठिकाणावरून मोटर सायकल्या चोरी करून काही दिवसासाठी मोटरसायकल अज्ञात स्थळी लपवत असत त्यानंतर त्या मोटर सायकल कमी किमतीत विकत असल्याची माहिती विजापूर नाका पोलीस ठाण्याचे वरिष्ठ पोलीस निरीक्षक बाळकृष्ण हानपुढे पाटील यांनी प्रसारमाध्यमांशी बोलताना दिली.
