सोलापूर – शाहीर अमर शेख नागरी सहकारी पतसंस्था मर्यादित सोलापूरचे सभासद व त्यांचे पाल्य रांगोळी व संगीत खुर्ची स्पर्धेत सहभागी झाले. कोरोना वर मात करा.मुली वाचवा,हॅपी ख्रिसमस, पतसंस्थेचे रौप्य महोत्सवी वर्ष चिरायू हो,पर्यावरण संरक्षण अशा आशयाचे संदेश देणारे उत्कृष्ट रांगोळी काढले. श्रमिकांच्या कुटुंबातील मुलांच्या कलागुणांना वाव देणारे स्तुत्य उपक्रम संस्थेच्या माध्यमातून घेतल्याची माहिती संस्थेचे संस्थापक अध्यक्ष माजी नगरसेवक व संस्थापक उपाध्यक्ष महमद हनिफ सातखेड यांनी दिली.
शनिवारी सांयकाळी 4 वाजता दत्त नगर शिवमहेश्वरी मंदीर प्रांगणात पतसंस्थेच्या रौप्य महोत्सवी वर्षानिमित्त रांगोळी व संगीत खुर्ची स्पर्धा पतसंस्थेच्या संचालिका माजी नगरसेविका नसीमा ,शेवंता देशमुख,सुनंदा बल्ला यांच्या प्रमुख उपस्थितीत पार पडली.यावेळी संस्थेचे संस्थापक सचिव कुरमय्या म्हेत्रे यांनी या स्पर्धेचे उद्घाटन केले.कवयित्री वृत्तनिवेदीका रेणुका बुधारम यांनी या स्पर्धेचे परीक्षण केले.
यावेळी प्रजा नाट्य मंडळ कलापथक अध्यक्ष शाहीर प्रशांत म्याकल,अरुण सामल,चंद्रकांत मंजुळकर यांनी शाहीर अमर शेख यांच्या स्मृतीला अभिवादन करत शाहीर अमर शेख यांची लोकगीते व क्रांतिकारी गीते सादर केले. या स्पर्धेचे समन्वय व व्यस्थापन संस्थेच्या व्यवस्थापिक ज्योती म्याकल व मल्लेशम कारमपुरी यांनी केले. भारताचा लोकशाहीवादी युवा महासंघाचे जिल्हा सचिव अनिल वासम यांनी या कार्यक्रमाचे सूत्रसंचालन व आभार प्रदर्शन केले.