सोलापूर : 21.09.2021 रोजी डॉ. अनिल व्यंकटेश कुलकर्णी (रा.वडाळा ता.उत्तर सोलापूर जि. सोलापूर) हे त्याचे वडाळा येथील रूग्णालय व पेट्रोल पंपाचे कामकाज संपवुन वडाळा येथुन बीबीदारफळ मार्गे सोलापूर कडे येत असताना रात्रौ 20.30 वा.सुमारास कोंडी गावाचे रस्त्याचे दरम्यान एम.आय.डी. सी.च्या जवळ असलेल्या क्रॉस रोडवर ग्रे रंगाच्या इनोव्हा गाडी मधुन आलेल्या अनोळखी 5 इसमांनी त्याची इनोव्हा कार डॉ.अनिल कुलकर्णी यांच्या वेराना गाडीस आडवी लावुन त्यांना वेराना गाडीचे बाहेर काढुन त्यांना गावंठी बंदुकीचा धाक दाखवुन कोयता, काठी व हॉकी स्टीकने मारहाण करून जीवे ठार मारण्याची धमकी देऊन त्यांना जबरदस्तीने इनोव्हा गाडीत बसुन त्याचेकडे 1 कोट रूपये खंडणीची मागणी करून त्यांना मोहोळ, टेंभुर्णी, इंदापुर, फलटण-जेजुरी मार्गे वारजे माळवाडी पुणे येथे नेऊन त्या दरम्यान त्याचेकडील पेट्रोल पंपाची जमा असलेली 5 लाख 70 हजार 420 रूपये रोख रक्कम व त्याचे खिशातील 18 हजार रूपये रोख रक्कम अशी एकूण 5 लाख 88 हजार 420 रूपये रोख रक्कम जबदरस्तीने काढुन त्याना वारजे मळेवाडी पुणे येथे ढकलुन दिले होते म्हणुन वगैरे मजुकराच्या फिर्यादी वरून सोलापूर तालुका, पोलीस ठाणेस गुन्हा दाखल करण्यात आला होता.
सदर गुन्हयाचा तपास सोलापूर तालुका, पोलीस ठाणे कडील कार्यरत असलेले सहायक पोलीस निरीक्षक नेताजी बंडगर यांचेकडे सोपविण्यात आला होता. त्यांनी व त्याचे सोबत असलेल्या पोलीस अंमलदार व स्थानिक गुन्हे शाखे कडील सपोनि/मांजरे व त्याचे सोबत असलेल्या पोलीस अंमलदार यांनी गुन्हयातील अनोळखी 7 इसमाचा शोध घेतला होता. त्या 7 अनोळखी इसमाना सपोनि नेताजी बंडगर यांनी गुन्हयाचे तपासकामी अटक करून त्याचेकडुन गुन्हयात फिर्यादी याचेकडुन जबरदस्तीने काढुन घेतलेल्या रक्कमेपैकी 2 लाख 75 हजार रूपये रोख रक्कम हस्तगत केली आहे.
गुन्हयातील आरोपी मजुकर याचेकडुन हस्तगत करण्यात आलेली 2 लाख 75 हजार रूपये रोख रक्कम मा.प्रथमवर्ग न्यायदंडाधिकारी, सोलापूर यांचे आदेशान्वये गुन्हयातील फिर्यादी डॉ.अनिल व्यंकटेश कुलकर्णी यांना दिनांक 23.12.2021 रोजी सुर्पुद केली आहे.
सदरची कामगिरी तेजस्वी सातपुते, पोलीस अधीक्षक, सोलापूर ग्रामीण, हिंमत जाधव, अपर पोलीस अधीक्षक, सोलापूर ग्रामीण अमोल भारती, उपविभागीय पोलीस अधिकारी सोलापूर उपविभाग सोलापूर यांचे मार्गदर्शनाखाली सोलापूर तालुका,पोलीस ठाणेचे प्रभारी अधिकारी अरूण फुगे याचे नेतृत्वाखाली सहायक पोलीस निरीक्षक नेताजी बंडगर, सपोफौ/विवेक सांजेकर, पोना/ श्रीराम आदलिंग, श्रीशैल माळी, पोकॉ/अशोक खवतोडे व विवेक नरळे यांनी बजावली आहे.
