येस न्युज मराठी नेटवर्क : सिंधुदुर्ग जिल्ह्याच्या दौऱ्यावर आज उपमुख्यमंत्री अजित पवार हे हाेते. यावेळी त्यांच्या वाहनाचे सारथ्य पोलिस कर्मचारी तृप्ती मुळीक यांनी केले. त्यांचे वाहन चालविण्याचे कसब पाहून उपमुख्यमंत्री अजित पवार यांच्यासह तंत्रशिक्षण मंत्री उदय सामंत आमदार सतेज पाटील यांना काैतुक वाटले.
तृप्ती मुळीक यांनी नुकताच व्हीआयपी ड्रायव्हिंगचा कोर्स पूर्ण केला आहे. आज त्यांच्यावर उपमुख्यमंत्री पवार यांच्या वाहनाचे सारथ्य करण्याची जबाबदारी साेपविण्यात आली हाेती. ती त्यांनी सहजरित्या पार पाडली. गेल्या दहा वर्षांपासून महाराष्ट्र पोलीस विभागाच्या माध्यमातून तृप्ती या सेवा बजावत आहेत. लहानपणापासून ड्रायव्हिंगची आवड असल्याने त्या सध्या सिंधुदुर्ग मोटार पोलीस परिवहन विभागामध्ये कार्यरत आहेत.