पोलीस आयुक्तालयाच्या नवी वेबसाईटचे पोलीस आयुक्त हरीश बैजल यांच्या हस्ते उद्घाटन

सोलापूर । शहर पोलिस आयुक्तालय संकेतस्थळ (वेबसाइट) नव्या तंत्रज्ञानाशी जोडले आहे. ती डेस्कटॉप, लॅपटॉप आणि मोबाइलवर पाहता येईल. शहर व संपूर्ण महाराष्ट्रात ऑनलाइन पद्धतीने पोलिस पोर्टलला भेट देऊन कुठेही तक्रार करता येणार आहे. या संकेतस्थळाचा शुभारंभ पोलिस आयुक्त हरीष बैजल यांच्या हस्ते सोमवारी करण्यात आला. आयुक्तालयाची वेबसाइट यापूर्वी कार्यान्वित होती. पण, आत्ता पुन्हा नव्याने अपडेट करण्यात आले आहे (www.solapurcity.gov.in) या ठिकाणी माहिती मिळेल.

या उपक्रमासाठी यांची मदत
पोलिस आयुक्त हरीष बैजल, उपायुक्त बापू बांगर, निरीक्षक संजय साळुंखे, सुनील दोरगे, फौजदार बायस, हवालदार देवपुत्र मरेड्डी, इब्राहिम शेख, वसीम शेख, दीपक जाधव, अर्जुन गायकवाड, ड्रीम केअर डेव्हलपर्सचे विवेक मेंगजी व त्यांचे सहकारी.

संकेतस्थळावर पोलिस ठाणे व शाखांची मिळेल माहिती

इंग्रजी व मराठी भाषा, सिटीजन पोर्टल लिंक सोलापूर शहर वेबसाइटला भेट दिल्यावर शहर व संपूर्ण महाराष्ट्रात ऑनलाइन तक्रार करू शकता, वृत्तपत्रांसाठी माहिती उपलब्ध, अधिकारी यांचे फोन नंबर, ठाण्याची माहिती, बीट मार्शल माहिती, वेबसाइट समाज माध्यमाशी कनेक्ट; सोशल मीडियावर कनेक्ट होईल, आपले सरकार ॲप डाऊनलोड व ओपन लिंक आहे, गुगल मॅपवरून पोलिस ठाण्याची माहिती, पोलिस ठाणे व शाखांची माहिती, ॲडमीन पॅनेल, दैनंदिन माहिती मिळेल, वेबसाइट युजर फ्रेंडली वापरण्यास सोपी, वाहतूक शाखा संबंधित नियम व दंडाबाबत माहिती, महिला व नागरिक यांच्या सुरक्षाविषयी जनजागृती व सुरक्षा उपायांची माहिती, सायबर सुरक्षाबाबत माहिती, संकेतस्थळावर राज्यातील इतर पोलिस आयुक्तालय व वरिष्ठ कार्यालयाची लिंक, नागरिकांना विविध उपक्रमांची माहिती, पोलिस कामकाजाबाबत टेंडर निघाल्यास निविदा डाऊनलोड करता येणार आहे.