सोलापूर : रयत क्रांती संघटनेच्या वतीने आज राज्यव्यापी आंदोलन करण्यात येत असून सोलापूर जिल्हात सुद्धा आघाडी सरकारचा जाहीर निषेध करण्यासाठी सोयाबीन व उडीद आणून त्यांची होळी करण्यात आली. परतीच्या पावसाने महाराष्ट्रातील शेतकऱ्यांचे प्रचंड प्रमाणात नुकसान झाले शेतकऱ्यांना ह्या आघाडी सरकारने तुटपुंजी मदत करुन शेतकऱ्यांची फसवणूक केली आहे तरी आमची रयत क्रांती संघटनेचे मागणी आहे की जिरायती शेती ला 50000 व बागायती शेतीला 100000/- लाख रुपये मदत करावी या मागणीसाठी आंदोलन करण्यात आले.
यावेळी रयत क्रांती संघटनेचे जिल्हा अध्यक्ष शशिकांत थोरात, दिगंबर बाबा नन्नवरे, अशोक जाधव, सरचिटणीस राजू पवार, मोहळ तालुका कार्याध्यक्ष हणमंत गिरी, रोहित पाटील, अनिल पाटील. नितीन देशमुख, अभिषेक राऊत, ओम मानै, समाधान नरूटे आदी उपस्थित होते.
