काँग्रेस भवनात गर्दी : धवलसिंह मोहिते-पाटील, वाले, हासपुरेंसह १२ प्रमुख नेत्यांवर गुन्हा दाखल

सोलापूर : सोलापूर शहरात काँग्रेसचे नूतन जिल्हाध्यक्ष धवलसिंह मोहिते-पाटील यांनी जिल्हाध्यक्ष पदाचा पदभार स्वीकारला. या कार्यक्रमाला कार्यकर्त्यांची मोठी गर्दी केली होती. या कार्यक्रमादरम्यान पोलीस आयुक्त यांनी कोरोना संसर्गाच्या पार्श्वभूमीवर जमावबंदीचे आदेश शहरात लागू असताना मास्क न घालणे, सोशल डिस्टन्स न पाळणे असे कोरोना प्रतिबंधक सर्व नियम तोडून गर्दी केल्याप्रकरणी नूतन जिल्हाध्यक्ष धवलसिंह मोहिते पाटील यांच्यासह काँग्रेसच्या शहर जिल्ह्यातील बारा प्रमुख नेत्यांवर गुन्हा दाखल करण्यात आला आहे. यामध्ये धवलसिंह मोहिते-पाटील, अर्जुनराव पाटील, प्रकाश वाले, संजय हेमगडडी, अमोल पुजारी, सुरेश हसापुरे, अशोक देवकते, गणेश डोंगरे, बाबा करगुळे, विनोद भोसले, बसवराज बगले, श्रीमती हेमा चिंचोळकर यांचा समावेश आहे.