सिद्धेश्वर कारखान्याची बेकायदेशीर चिमणी पाडण्याबाबत महापालिका सभेने ठराव करून एक कोटी 22 लाख रुपये मंजूर केले मात्र अद्याप मनपा आयुक्तांनी वर्क ऑर्डर दिली नाही. चिमणी पाडकाम होत नसल्यामुळे सोलापूरच्या विमान सेवेचा अडथळा कायम आहे या चिमणी बाबत संजय थोबडे यांनी अवमान याचिका देखील न्यायालयात दाखल केली आहे या सर्व पार्श्वभूमीवर सद्यस्थितीमध्ये चिमणी बाबत काय नियोजन आहे यासाठी जिल्हाधिकारी मिलिंद शंभरकर यांनी दोन ऑगस्ट रोजी सकाळी 11 वाजता जिल्हाधिकारी कार्यालयात बैठक आयोजित केली आहे. तसे पत्र बुधवारी महापालिकेला प्राप्त झाले. बेकायदेशीर चिमणी पाडकाम करण्यासाठी जिल्हाधिकारी तसेच महापालिका आयुक्त टाळाटाळ करत आहेत त्यामुळे त्यांच्या विरोधात अवमान याचिका दाखल केली आहे असे मत संजय थोबडे यांनी यांनी एस न्यूज मराठीशी बोलताना व्यक्त केले
