पंढरपूर : आज जेष्ठ शुद्ध निर्जला एकादशी आहे. या निमित्ताने श्री विठ्ठल रुक्मिणी मंदिर हे सुवासिक सुंदर अशा विविध रंगीबेरंगी फुलांनी सजवण्यात आले आहे. श्री विठ्ठल आणि रुक्मिणीमातेचा गाभारा, चौखांबी, सोळखांबी अशा मंदिरातील विविध भागाना या रंगीबेरंगी फुलांनी सुशोभीकरण करण्यात आले असून यात पिंक डिजे, कामिनी, गुलाब, झेंडू, गुलछडी, ऑरकेड अशा विविध रंगीबेरंगी फुलांचा समावेश आहे. मंदिराला अशा विविध फुलांनी सजवण्यात आल्याने देवाचे रुप अधिकच खुलून दिसत आहे. विशेष म्हणजे सध्या हा सर्व परिसर फुलांच्या सुगंधाने दरवळून निघाला आहे. तसेच यामुळे भाविकही सुखावले आहेत.
