सोलापूर : दहिटणे रस्त्यावरील मित्र नगर परिसरातील पी एस गोडाऊन समोरील मैदानात क्रिकेट खेळत असताना बॉल टाकण्याच्या कारणावरून झालेल्या मारामारीत एक तरुण गंभीररित्या जखमी झाला आहे. शेळके येथील कुमार स्वामीनगरमध्ये राहणाऱ्या राम मधुकर फुलारी यांने शिवीगाळ करून मारून टाकण्याची धमकी देत डोक्याच्या डाव्या बाजूस बॅटने मारहाण केली. या मारहाणीत कुमार स्वामी नगर शेळगी येथे राहणारा राजू शरणप्पा पुजारी हा १७ वर्षाचा तरुण जखमी झाला असून त्याला स्पर्श हॉस्पिटलमध्ये अतिदक्षता विभागात दाखल करण्यात आले आहे. जोडभावी पेठ पोलीस ठाण्याचे पोलीस सब इन्स्पेक्टर दाईंगडे याप्रकरणी तपास करीत आहेत.
बॉल टाकण्यावरून क्रिकेट बॅटने डोक्यावर मारहाण, १७ वर्षांचा तरुण रुग्णालयात
