कोरोना बाधित कर्मचाऱ्यांसाठी विलगीकरण कक्षाचे उद्घाटन

येस न्युज मराठी नेटवर्क :- सोलापूर मंडळ कार्यालय, सोलापूर यांच्या संयुक्त विद्यमाने महावितरण सोलापूर मधील कोरोना बाधित कर्मचाऱ्यांसाठी ३३/११ के. व्ही. उपकेंद्र, शाखा कार्यालय सिव्हिल, पोटफाडी चौक, सोलापूर येथे विलगीकरण कक्ष उभारण्यात आले आहे. सर्व प्रथम सोलापूर मंडळ कार्यालय अधीक्षक अभियंता ज्ञानदेव पडळकर यांच्या शुभहस्ते विलगीकरण कक्षाचे उद्घाटन करण्यात आले. प्रमुख पाहुणे म्हणून सोलापूर शहर विभाग प्रभारी कार्यकारी अभियंता चंद्रकांत दिघे हे उपस्थित होते.
यावेळी अतिरिक्त कार्यकारी अभियंता पी. एम्. मुंजी, संजय जाधव, वित्त अधिकारी विवेक ओझा, मानव संसाधन विभाग व्यवस्थापक संजय गायकवाड, उपकार्यकारी अभियंता श्रीनिवास पडाल, सहाय्यक अभियंता एन्. टी. मुजावर, आंबादास कटकधोंड, स्वाती सलगर, आस्थापना सहाय्यक मुख्य लिपिक संतोष जमादार तसेच महावितरण मधील संघटना प्रतिनिधी सुनिल काळे ( विद्युत क्षेत्र तांत्रिक कामगार संघटना ), गौरीश पाटील ( एस्. इ. ए. संघटना ) विलास कोले ( वर्कर्स फेडरेशन संघटना ), पी. एल्. जाधव (मागासवर्गीय संघटना ), विजयकुमार राखले ( कामगार महासंघ संघटना ), प्रसाद अंबुरे ( इ. एल्. ए. संघटना ) हे उपस्थित होते.
सोलापूर मंडळातील अधिकारी व कर्मचारी यांच्या पातसंस्थेकडून विलगीकरण कक्ष स्थापन करण्यासाठी वीस हजार रुपये आर्थिक मदत करण्यात आली. सदर विलगीकरण कक्ष हे महावितरणने स्थापन केलेल्या कमिटी मधील अधिकारी व कर्मचारी यांच्या अधिपत्याखाली कार्यरत राहील. याठिकाणी रुग्णास दिवसातून एक वेळ नाष्टा, दोन वेळा चहा व दोन वेळा पौष्टिक जेवण देखील देण्यात येणार आहे. रुग्ण सेवेसाठी दोन तंज्ञ डॉक्टर, दोन मदतनीस, दोन पहारेकरी देखील असणार आहेत.