येस न्युज मराठी नेटवर्क : सोलापूर शहर व जिल्ह्यात कोरोनाचा कहर चालूच असल्याचे पुन्हा एकदा स्पष्ट झाले आहे. बुधवारी रात्री बारा पर्यंत आलेल्या अहवालानुसार सोलापूर शहरात नव्याने 290 व्यक्तींना कोरोना ची बाधा झाली तर सोलापूर जिल्ह्यात नव्याने 352 लोकांना कोरोनाची बाधा झाली .लागोपाठ दोन दिवस ६५१ आणि ६४२असे असे नवीन रुग्ण आढळून आले .
ग्रामीण भागाचा विचार केला तर बार्शी ग्रामीणमध्ये २१ करमाळा मध्ये ३५, माढा ५४, माळशिरस ७५, मंगळवेढा ११,पंढरपूर ३७ असे तालुक्यांमधील ग्रामीण भागात २६३ नवीन रुग्ण आढळून आले. जिल्ह्यातील ग्रामीण भागातील वाढते कोरोनाग्रस्त ही चिंतेची बाब ठरली आहे. बार्शी शहरात ५५ व इतर तालुक्यांच्या शहरांमध्ये मिळून एकूण ८९ रुग्ण आढळून आले . सध्या जिल्ह्यातील तीन हजार २८९ रुग्ण विविध रुग्णालयांमध्ये उपचार घेत आहेत. शहराचा विचार केला तर बुधवारी रात्री बारा पर्यंत आलेल्या अहवालानुसार नवीन २९० व्यक्तींना कोरोनाची बाधा झाली आहे . त्यापैकी १८८ पुरुष आणि १०२ महिला आहेत . सलग दुसऱ्या दिवशी सोलापूर शहरात सात जण मृत्युमुखी पडले आहेत. सोलापूर शहरातील कोणार्क नगर येथील ७१ वर्षाचे पुरुष यांचा सिटी हॉस्पिटलमध्ये कोरोनामुळे मृत्यू झाला. न्यू पाच्छा पेठ येथील एकोणीस वर्षांच्या पुरुषाचा मार्कंडेय रुग्णालयात मृत्यू झाला. विकास नगर जवळील कृषी नगर येथील ऐंशी वर्षांच्या व्यक्तीचा अपेक्स हॉस्पिटल मध्ये तर वेणुगोपालनगर येथील ७५ वर्षांच्या व्यक्तीचा कुंभारी येथील अश्विनी रुग्णालयात मृत्यू झाला. पार्क चौक मुरारजी पेठेतील ८१ वर्षाच्या व्यक्तीचा हॉस्पिटलमध्ये कोरोनामुळे मृत्यू झाला तसेच भवानी पेठेतील जम्मा चाळ येथे ७४ वर्षांच्या व्यक्तीचा मार्कंडेय रुग्णालयात मृत्यू झाला .५५ वर्षाच्या अश्विनी रुग्णालयात मृत्यू झाला आहे. सोलापूर शहरातील दोनशे दोन ठिकाणी कोरोना बाधितांच्या संपर्कात आलेल्या व्यक्तींना तसेच नवीन काही जणांना करण्याची बाधा झाल्याचे स्पष्ट झाले आहे.
