येस न्यूज मराठी इफेक्ट : सोलापुरातील रखडलेल्या रस्त्याचे काम सुरू

एस न्युज मराठी ने काल सोलापूर शहरात गेल्या सहा महिन्यापासून रखडलेल्या आणि अपघाताला निमंत्रण देणाऱ्या रस्त्याचे सडेतोड वृत्त  दाखवताच काल रात्री या धोकादायक रस्त्यावरील धोकादायक ड्रेनेज चेंबर प्रीमिक्स डांबर लावून कव्हर करण्यात आले आणि आज लागलीच सकाळपासून या रस्त्याच्या फायनल लेअर डांबरीकरणाचे काम सुरू झाले. सोलापूर शहरातील डफरीन चौक ते कामत हॉटेल हा रस्ता एमएसआरडीसी सुमारे पंधरा  वर्षांपूर्वी स्टार रोड केला होता. मात्र स्मार्ट सिटी कंपनीची या सुंदर रस्त्याला नजर लागली .डफरीन चौक ते कामत हॉटेल चा हा रस्ता खोदण्यात आला. कधी पावसाळी गटार म्हणजेच स्ट्रॉंम ड्रेन लाईन टाकण्यासाठी …कधी पिण्याच्या पाण्याची लाईन टाकण्यासाठी तर कधी ड्रेनेज लाईन टाकण्यासाठी या रस्त्याचा सत्यानाश करण्यात आला. असे असताना एका बाजूला फक्त डांबराचा एकच लेयर टाकून डागडुजी करण्यात आली होती मात्र या रस्त्यावरील ड्रेनेज चेंबरची झाकणे पाच ते सहा इंच वर आली होती. काम रखडल्यामुळे या ड्रेनेजच्या चेंबरला धडकून अनेकांचे अपघात झाले शिवाय दुसऱ्या बाजूचा रस्ता बंदच असल्यामुळे या रस्त्यावर वाहतुकीचा लोड  होता ,तरीही याकडे कोणीच लक्ष देत नव्हते .अत्यंत संथ गतीचे काम आणि अधिकाऱ्यांचे दुर्लक्ष यामुळे एस न्युज मराठी ने काल दुपारी या बाबत सडेतोड वृत्त प्रकाशित केले. महापालिकेच्या अधिकाऱ्यांनी याची दखल घेतली आणि काल आठ वाजण्याच्या सुमारास ड्रेनेज ढाकणे बुजवण्याचे काम सुरू झाले आणि याच रस्त्याची रस्त्याची बाजू फायनल लेयर टाकून चांगला करण्याचे काम गुरुवारी सकाळपासून सुरू झाले आहे. वास्तविक पाहता काळजापूर मारुती चे प्रवेशद्वार असलेल्या रस्त्याची बाजू व्यवस्थित करायला करायला हवी होती मात्र प्रचंड धूळ असतानादेखील अशाच अर्धवट स्थितीत असलेल्या रस्त्यावरून वाहतूक सोडण्यात आली आहे त्यामुळे आज  डफरीन चौक ते ध्रुव हॉटेल पर्यंत ट्रॅफिकची गर्दी आणि धुळीचे लोळ या रस्त्यावर पाहायला मिळत आहेत. येस न्यूज न्यूज मराठीच्या वृत्ताची दखल घेतली आणि अनेकांचे अपघात यामुळे वाचण्यास मदत झाली त्याबद्दल संवेदनशील अधिकाऱ्यांचे मनापासून आभार