येस न्युज मराठी नेटवर्क : इंग्रजी शाळेतील आर टी ई नुसार प्रवेश दिलेल्या विद्यार्थ्यांची प्रतिपूर्ती देण्यास शासन टाळाटाळ करीत असल्याने सोलापूर शहर जिल्ह्यातील इंग्रजी शाळांनी पुढील वर्षापासून म्हणजे मार्च विषय २१ पासून आरटी प्रवेश देणार नसल्याचे पत्रकार परिषदेत स्पष्ट केले. इंडिपेंडंट इंग्लिश स्कूल संघटनेचे जिल्हाध्यक्ष अजय फोन नंबर यांनी सांगितले की, गेल्या तीन वर्षांपासून चा सोलापूर जिल्ह्याचा थकीत आरटीइ पंचवीस टक्के परतावा अंदाजे पन्नास कोटी आहे .
ही रक्कम लवकरात लवकर मिळावी यासाठी संघटनेने राज्य शासनाचे वारंवार संपर्क साधला आहे. इंग्लिश इंग्लिश स्कूल असोसिएशनचे अध्यक्ष यांनी सांगितले की इंग्रजी शाळांना त्यांच्या शिक्षक व शिक्षकेतर कर्मचाऱ्यांचे वेतन देणे अवघड झाले आहे. त्याचप्रमाणे मालमत्ता कर वीज कर इमारत भाडे आणि ऑनलाइन शिक्षणाचा खर्च असा सगळा आर्थिक भार सोसणे अवघड होत आहे. आय. एम. एस. शाळेचे अमोल जोशी यांनी सांगितले की, शासनाने प्रतिपूर्ती देण्याच्या हालचाली सुरू केल्या असल्या तरी अन्यायकारक निर्णय लावून इंग्रजी शाळांची खिल्ली उडवण्याचा जो प्रकार चालविला आहे तो तातडीने थांबवावा. शासनातर्फे वारंवार नियम बदलण्यात येतात. त्याचप्रमाणे शाळांना मिळणाऱ्या ट्यूशन फी आणि इतर फी नुसार सरसकट आरटीइ पंचवीस टक्के अनुदान मिळावे असेही जोशी यांनी सांगितले. या पत्रकार परिषदेला वर्षा विभुते, पूजा वाजपेयी, नागेश शेंडगे ,रश्मी पूरवंत उपस्थित होते.
