महापालिकेसाठी 2 दिवस आव्हानात्मक.. नागरिकांना मनस्ताप..!

सोलापूरकर सध्या धुळीच्या आणि ट्रॅफिक जामच्या समस्येला वैतागले आहेत. विजापूर रोडवर असलेल्या रेल्वे ब्रिजच्या खाली स्प्रिंग घालायच्या यासाठी काल आणि आज दुपारनंतर हा ब्रिज वाहतुकीसाठी बंद केला त्यामुळेच इथली वाहतूक समस्या वाढू लागल्यामुळे दमाणी नगरचा ब्रिज आज वाहतुकीसाठी खुला ठेवण्यात आला. दमानी नगरच्या ब्रिजवरून उद्यापासून वाहतूक बंद केली जाणार आहे तर 14 डिसेंबर रोजी ब्रिज पाडला जाणार आहे. त्यानंतर सोलापूर शहरात रेल्वे ट्रॅकच्या पलीकडे आणि अलीकडे येण्यासाठी या भागातील नागरिकांसाठी तीन पर्यायी मार्ग देण्यात आले होते. या तीनही पर्यायी मार्गावर महापालिकेकडून गतीने कामे सुरू आहेत . अवंती नगर येथे रेल्वे अंडर ब्रिजच्या खाली दुतर्फा एप्रोच रोडचे काम सुरू असून त्याचे काम येत्या दोन दिवसात पूर्ण होणार आहे. तसेच पाटील वस्ती या ठिकाणी 200 मीटर रस्त्याचे रखडलेले काम देखील दोन दिवसात पूर्ण होईल. त्यामुळे 11 डिसेंबर पासून छत्रपती संभाजी महाराज चौक अवंतीनगर – पाटील वस्ती ते सीएनएस हॉस्पिटल हा 54 मीटर रस्ता वाहतुकीसाठी खुला करण्याचे महापालिका अधिकाऱ्यांचे नियोजन आहे. शिवाय मर्यायी चौकातील अतिक्रमणे काढणे शेटे वस्ती येथे असलेल्या रेल्वे अंडर ब्रिजच्या बाजूचा रस्ता क्लियर करणे खड्डे बुजवणे हे काम देखील महापालिकेने हाती घेतले आहे. नागनाथ मंदिर ते रामवाडी गोदाम पर्यंतचा खराब झालेला रस्ता नव्याने करण्याचे काम सुरू झाले आहे. त्यामुळे आज आणि उद्या महापालिका अधिकाऱ्यांसमोर या पर्यायी मार्गांचे काम करणे खूप मोठे चॅलेंज आहे.