सोलापुरात लसीकरणाची ऐशीतैशी

येस न्युज मराठी नेटवर्क : सोलापुरात सध्या महापालिकेच्या सर्वच दवाखान्यांमध्ये कोरोना वरील लस उपलब्ध असल्याचे फलक लावण्यात आले आहेत. गेल्या एक आठवड्यापासून या परिस्थितीत फारसा बदल झालेला नाही . अनेक लसीकरण केंद्रांवर ज्येष्ठ नागरिक सकाळी साडेआठ पासून रांगा लावत आहेत. मुख्य दरवाजा उघडल्यानंतर या नागरिकांचा लोंढा आत शिरत आहे व पुन्हा रांगेत उभारत आहेत. परंतु साधारण साडे दहा ते अकराच्या सुमारास लस येणार नसल्याचे कळाल्यानंतर हे नागरिक निराश होऊन घरी परतत आहेत. सातत्याने तीन दिवस/ चार दिवस लसीकरण केंद्रांवर हे लपाटा मारणारे नागरिक आता त्रस्त झाले आहेत. लसीकरणाचा दुसरा डोस घेण्यासाठी हे ज्येष्ठ नागरिक वारंवार या केंद्रांवर हेलपाटे मारत आहेत . लसीचा पुरवठा खूपच कमी प्रमाणात होत असल्यामुळे महापालिकेच्या या दवाखान्यामधील कर्मचारी देखील तीच /तीच उत्तरे देऊन कंटाळले आहेत. लसींचा अपुरा पुरवठा आणि लस घेण्यासाठी येणाऱ्या नागरिकांची मोठी संख्या यामुळे सगळीकडेच विनाकारण तणाव निर्माण होत आहे. ऑनलाईन रजिस्ट्रेशन करून देखील लसीचा दुसरा डोस मिळत नसल्यामुळे ज्येष्ठ नागरिक हतबल झाले आहेत. खासगी रुग्णालयांनी तर सरकारने लसीचा पुरवठा करण्यास नकार दिल्यामुळे आता लसीकरणाची मोहीम पूर्णतः थांबवली आहे.