सोलापूर – ज्ञानसम्राट श्री संतश्रेष्ठ ज्ञानेश्वर महाराज यांच्या ७५० व्या प्रगट दिनानिमित्त ह.भ.प. सुधाकर इंगळे महाराज राष्ट्रीय अध्यक्ष भाविक वारकरी मंडळ यांच्या मार्गदर्शनाखाली ह.भ.प. संजय पवार महाराज शहर अध्यक्ष भाविक वारकरी मंडळ यांच्या नेवृत्वाखाली शुक्रवार दिनांक ०५/१२/२०२५ ते शुक्रवार दिनांक १२/१२/२०२५ या कालावधीध्ये भव्य ज्ञानेश्वरी पारायण व अखंड हरिनाम सप्ताहचे आयोजन होटगी रोड, जुळे सोलापूर, कुमठे परिसरातील सर्व भजनी मंडळ व भाविक यांच्या वतीने व अखिल भाविक वारकरी मंडळ शहर जिल्हा यांच्या सहकार्याने करण्यात आले आहे. सदर सप्ताहमध्ये ह.भ.प. मन्मत महाराज बहिरमल, ह.भ.प. पुरषोत्तम महाराज सुतार, ह.भ.प. निळोबा महाराज शिरसट, ह.भ.प. माऊली बचुटे महाराज, ह.भ.प. लक्ष्मन महाराज चव्हाण, ह.भ.प. गोपाळ लोंढे यांची सांयकाळी ५ ते ६ यावेळेत प्रवचने होणार आहेत.
महाराष्ट्रातील नामवंत किर्तनकार ह.भ.प. सुधाकर इंगळे महाराज सोलापूर, ह.भ.प. कृष्णा चवरे महाराज पंढरपूर, ह.भ.प. प्रकाश साठे महाराज बीड, ह.भ.प. उमेश दसरथे महाराज अळंदी देवाची, ह.भ.प. अनिल पाटील महाराज बाभळगावंकर, ह.भ.प. रामराव ढोक महाराज नागपूर, ह.भ.प. गुरूवर्य प्रभाकरदादा बोधले महाराज पंढरपूर यांची हरिकिर्तने होणार आहेत. दिनांक १२/१२/२०२५ रोजी सकाळी ७ वाजता भव्य दिंडी नगर प्रदक्षणा होऊन दुपारी १० ते १२ काल्याचे किर्तन ह.भ.प. गुरूवर्य बापूसाहेब देहूकर महाराज पंढरपूर त्यानंतर सर्वासाठी महाप्रसाद होऊन या सप्ताहाची सांगता होणार आहे. या सप्ताहाचे वैशिष्ट्ये ७५० ज्ञानेश्वरी वाचक सोलापूरमध्ये प्रथमच पारायणसाठी बसणार आहेत. यासाठी होटगी रोड, जुळे सोलापूर व कुमठे परिसरातील दात्यांनी या सप्ताहासाठी सेवा, सहकार्य व अन्नदान केलेले आहे. रविवार दिनांक ०७/१२/२०२५ रोजी रेस्पायर क्लिनिक, रामलाल चौक यांच्या वतीने महाआरोग्य शिबीर,भव्य रक्तदान शिबीर, शंकरशेट साबळे नेत्र रूग्णालय यांच्या वतीने मोफत नेत्र तपासणी व मोतिबिंदू शस्त्रिक्रिया सकाळी ८ ते दुपारी २ या वेळेत होणार आहे.
तरी सोलापूर शहर व जिल्ह्यातील सर्व वारकरी, भाविक, महिला, नागरिक, तरूण मंडळ व गुणीजन गायक व वादक यांनी या कार्यक्रमाला उपस्थित राहून सहकार्य करावे.
सदर पत्रकार परिषदेस संजय पवार, पांडूरंग माने, दिपक हरवाळकर, अनिल देठे, काशिनाथ सुरवसे, प्रकाश माने, मनोज कासार, अप्पा माने, तुकाराम राऊत, महादेव वाघमारे व मधुकर जाधव आदी उपस्थित होते.
