शाहरुख खान व दीपिका पदुकोणच्या ‘पठाण’ चित्रपटाची हवा, सांगलीच्या तरुणांनी बुक केलं संपूर्ण थिएटर
शाहरुख खान व दीपिका पदुकोणच्या ‘पठाण’ चित्रपटाकडे सगळ्यांचं लक्ष लागून राहिलं आहे. या चित्रपटाने प्रदर्शनापूर्वीच कोट्यवधी रुपयांची कमाई केली आहे. चित्रपटाचं ॲडव्हान्स बुकिंग प्रेक्षकांनी केलं आहे. या चित्रपटाच्या तिकिटांची विक्री जोरदार सुरू आहे. चित्रपटाला प्रदर्शनापूर्वीच प्रेक्षकांचा मिळणारा प्रतिसाद पाहता शाहरुखही भारावून गेला आहे.
‘पठाण’चा फर्स्ट डे फर्स्ट शो पाहण्यासाठी प्रेक्षक उत्सुक आहेत. अशामध्येच आता शाहरुखच्या जबरा फॅनने ‘पठाण’ पाहण्यासाठी संपूर्ण थिएटरचं बुक केलं आहे. सांगलीमधील एसआरके फॅनक्लबने ट्विटरद्वारे एक फोटो शेअर केला. या फोटोबरोबरच सांगलीतील तरुणांनी थिएटरचं बुक केलं असल्याचं सांगितलं आहे.
सांगलीच्या या तरुणाला शाहरुखने ट्विटरद्वारे उत्तर दिलं आहे. शाहरुख म्हणाला, “धन्यवाद आणि आशा करतो की तुम्हाला हा चित्रपट आवडेल.” सांगलीच्या तरुणांनी संपूर्ण थिएटर बुक केल्यानंतर आणखी एक व्हिडीओ सोशल मीडियावर व्हायरल होत आहे. या व्हिडीओमध्ये अमरावतीमधील एसआरके फॅनक्लबने ‘पठाण’ पाहण्यासाठी संपूर्ण थिएटर बुक केलं असल्याचं पाहायला मिळत आहे. अमरावतीच्या या तरुणांनी थिएटर बुक करतानाचा व्हिडीओ शेअर केला आहे.
शाहरुख व दीपिकाचा हा चित्रपट हिंदीसह तमिळ, तेलुगू भाषांमध्येही प्रदर्शित होणार आहे. या चित्रपटाला प्रेक्षकांचा प्रचंड प्रतिसाद मिळणार अशी चिन्ह दिसत आहेत. त्याचबरोबरीने जॉन अब्राहमलाही या चित्रपटामध्ये पाहण्यासाठी प्रेक्षक उत्सुक आहेत. २५ जानेवारील बहुचर्चित ‘पठाण’ बॉक्स ऑफिसवर दाखल होईल.
‘पठाण’ चित्रपटाची हवा, सांगली, अमरावतीच्या तरुणांनी बुक केलं संपूर्ण थिएटर
