सततच्या पावसाने खासबाग मैदानाची संरक्षक भिंत कोसळली; एक महिला मृत्युमुखी

कोल्हापूर ( सुधीर गोखले ) – संपूर्ण जिल्ह्याला सध्या पावसाने झोडपून काढले असतानाच कोल्हापुरातील ऐतिहासिक खासबाग मैदान परिसरामध्ये एक दुर्दैवी घटना घडली अतिपावसाने या खासबाग मैदान परिसरातील संरक्षक भीत कोसळून एक महिला मृत्यमुखी पडली. नाटक पहायला आलेल्या महिलेवर काळाने घाला घातला. अश्विनी यादव असे मृत महिलेचे नाव आहे. सध्या कोल्हापूर शहरामध्ये पावसाचा जोर कायम आहे ऐतिहासिक कुस्तीचे मैदान असलेल्या खासबाग मैदान येथे पूर्वे बाजूला असलेली ५० फूट लांब आणि २० फूट उंच अशी भली मोठी भिंत पावसाने कोसळली. हि भीत प्रेक्षक गॅलरी ची होती दोन महिला लघुशंकेसाठी या भिंतीच्या आडबाजूला गेल्याचे समजते. पण अचानक भिंत कोसळल्याने या मातीच्या ढिगाखाली दोन महिला अडकल्या कोल्हापूर अग्निशमन विभागाच्या जवानांनी घटनास्थळी दाखल होऊन दोन महिलांना बाहेरही काढले मात्र  यापैकी एक महिला मृत्युमुखी पडली तर दुसरी महिला गंभीर जखमी आहे. महिलेवर उपचार सुरु आहेत.पावसामुळे जिल्ह्यातील २८ शाळा बंद चा निर्णय संभाव्य पुराचा धोका लक्षात घेता कोल्हापूर जिल्ह्यातील पहिल्या टप्प्यात २८ गावांमधील शाळा उद्यापासून बंद ठेवण्याचा निर्णय प्रशासनाने घेतला आहे निवासी उपजिल्हाधिकारी भगवान कांबळे यांनी हि माहिती दिली. या गावातील शाळेत निवारा केंद्रे उभारली जातील असेही त्यांनी स्पष्ट केले 
पंचगंगा स्थित
सध्या पंचगंगेपाणी पातळी स्थिर असून सध्या पंचगंगा ही 40 फूट 4 इंचावरून वाहत आहे. सोमवारी सकाळपासून पावसाने काहीशी विश्रांती घेतल्याचे चित्र आहे. त्यामुळे नदीकाठच्या गावांतील तसेच कोल्हापूर शहरातील सखल भागातील रहिवाशांना थोड्याफार प्रमाणावर दिलासा मिळाला आहे. राधानगरी धरणातून कोणत्याही क्षणी विसर्ग मात्र जिल्ह्यातील 83 बंधारे अजूनही पाण्याखाली आहेत. शिवाय राधानगरी धरणामध्ये देखील पाण्याची आवक मोठ्या प्रमाणात आहे. त्यामुळे पुढच्या दोन दिवसात राधानगरी धरणाचे स्वयंचलित दरवाजे खुले होऊ शकतात. पंचगंगा नदीच्या पाणीपातळीबाबत कोणत्याही अफवेवर कोल्हापूरच्या नागरिकांनी विश्वास ठेवू नये, तसंच नागरिकांनी गोंधळून न जाता सतर्क राहणं गरजेचं असल्याचं आवाहन जिल्हा प्रशासनाच्या वतीनं करण्यात आलं आहे.