सोलापूर, दि. ६ एप्रिल- गुढीपाडवा, रमजान व डॉ. बाबासाहेब आंबेडकर जयंती निमित्त महाविद्यालयीन कर्मचाऱ्यांचे मार्च महिन्याचे पगार करावेत अशी मागणी, सोलापूर जिल्हा कॉलेज कर्मचारी युनियनने विभागीय शिक्षण सहसंचालक डॉ. नलिनी टेंभेकर यांच्याकडे केली आहे.
युनियनच्या पदाधिकाऱ्यांनी त्यांची भेट घेऊन ही मागणी केली आहे. तसेच प्रलंबित असलेले सातवा वेतन आयोगातील अर्जित रजा फरक व वैद्यकीय बिले कर्मचाऱ्यांना तातडीने द्यावीत, अशीही मागणी केली. याबाबत पुण्याकडून अनुदान आल्यानंतर याची कार्यवाही त्वरित करण्यात येईल असे आश्वासन त्यांनी दिले.
तसेच सातव्या वेतन आयोगाचा फरक मिळण्याबाबत या कार्यालयाने लवकर कार्यवाही केल्याने युनियनने डॉ. टेंभेकर व कार्यालयातील सर्व कर्मचाऱ्यांचा सत्कार केला. यावेळी कॉलेज कर्मचारी युनियनचे अध्यक्ष दत्ता भोसले, सरचिटणीस राजेंद्र गिड्डे, खजिनदार राहुल कराडे, उपाध्यक्ष आनंद व्हटकर, सिनेट सदस्य अजितकुमार संगवे, सिद्धेश्वर स्वामी आदी उपस्थित होते
