माढा तालुक्यातील अरण येथील संत शिरोमणी सावता महाराज यांच्या तीर्थक्षेत्र विकास आराखड्यासाठी शासनाने 150 कोटी रुपयांचा निधी मंजूर केला आहे. यातून पहिल्या टप्प्यात 89 कोटी रुपयांच्या कामाचे टेंडर निघणार असून हे टेंडर पीडब्ल्यूडी ऐवजी सोलापूर जिल्हा परिषद काढणार आहे हे विशेष. सोलापूरचे पालकमंत्री जयकुमार गोरे यांच्याकडे ग्रामविकास खाते असल्यामुळे हे काम जिल्हा परिषदेकडे देण्याचा निर्णय झाला आहे. त्यामुळे अरणमध्ये होणाऱ्या तीर्थक्षेत्र विकास आराखड्यावर अंमलबजावणी यंत्रणा म्हणून सोलापूर झेडपीचे नियंत्रण राहणार आहे. एका महिनाभरात 89 कोटी रुपयांच्या कामाचे टेंडर निघणार आहे.सध्या साडेचार कोटी रुपये या खर्च करून सुमारे साडेचार ते पाच एकर जमीन भूसंपादन केली जाणार आहे.याची फाईल अंतिम निर्णयासाठी सोलापूर जिल्हाधिकारी कार्यालयात प्रलंबित आहे. त्यामुळे तीर्थक्षेत्र विकास आराखड्यातून ही 89 कोटी रुपयांची कामे लवकरच अरणमध्ये होणार आहेत.
पीडब्ल्यूडी ऐवजी झेडपी काढणार 89 कोटींच्या कामाचे टेंडर…!
