सोलापूर/समाधान रोकडे : डॉ. बाबासाहेब आंबेडकर संशोधन व प्रशिक्षण संस्था (बार्टी), पुणे यांच्या वतीने उत्तर पंचायत समिती कार्यालय, सोलापूर येथे “वृक्षारोपण” करण्यात आले. बार्टी चे महासंचालक धम्मज्योती गजभिये तसेच विभाग प्रमुख मेघराज भाते (समतादूत) यांच्या संकल्पनेतुन, सर्वत्र covid-19 वाढता प्रादुर्भाव व प्राणवायू ऑक्सिजनची पडत असलेली कमतरता आणि वाढत असलेले प्रदूषण पाहता त्यासाठी फक्त एकच आवश्यक उपाय आहे तो म्हणजे पर्यावरण चे रक्षण करणे त्या अनुषंगाने संपुर्ण महाराष्ट्र राज्यात दि. 5 जुन ते 20 जुन पर्यंत “वृक्षारोपण सप्ताह” साजरी करण्यात येत आहे.
याचे औचित्य साधून बार्टी कार्यालयाचे तालुका उत्तर-सोलापुर समतादूत श्री.यशपाल चंदनशिवे यांच्या नियोजनातुन उत्तर पंचायत समिती कार्यालय येथे वृक्षारोपण करण्यात आले. उत्तर पंचायत समिती सभापती रजनीताई भडकुंबे, गट विकास अधिकारी डॉ. जस्मीन शेख ,सहाय्यक प्रशासन अधिकारी एन.डी. धोत्रे, प्रशांत देशमुख-पशुधन विकास अधिकारी, कविता घोडके-माजी सरपंच(भागाईवाडी), डॉ.श्रीकांत कुलकर्णी-तालुका आरोग्य अधिकारी, राजेश देशपांडे कनिष्ठ प्रशासन अधिकारी, श्रावस्तीे-कृषी अधि., अमोल तोडकरी-विस्तार अधिकारी( पंचायत), आर.पी. कांबळे-कृषी अधिकारी व पंचायत समितीतील इतर अधिकारी व कर्मचारी यांच्या उपस्थिती मध्ये हा वृक्षारोपण कार्यक्रम संपन्न झाला. सदर कार्यक्रमासाठी प्रकल्प अधिकारी सौ.प्रणिता कांबळे यांचे मार्गदर्शन लाभले. तसेच आज छत्रपती शिवाजी महाराज यांचा “शिवराज्याभिषेक दिन” हि साजरा करण्यात आला. या दिनाच्या निमित्ताने बार्टी कार्यालयाच्या वतीने वरील मान्यवरांच्या उपस्थितीत अभिवादन करण्यात आले.