सांगली : सांगलीच्या मिरज तालुक्यातील वड्डी येथे भीषण अपघातात ५ जण जागीच ठार झाले आहेत.रत्नागिरी – नागपूर महामार्गावर बोलेरो गाडी आणि ट्रॅक्टरची समोरा-समोर धडक होऊन हा भीषण अपघात घडला आहे. बोलेरो गाडीतील मृत हे सगळे कोल्हापूर जिल्ह्यातील असल्याचे समोर आले आहे,हे सर्व जण एकाच गाडीतून पंढरपूरकडे देवदर्शनासाठी निघाले होते. अपघातातील मृत हे कोल्हापूर जिल्ह्यातील सरगडे माळवाडी गावातील असल्याची माहिती समोर आली आहे.
मिरज बायपास असणाऱ्या रत्नागिरी- नागपूर माहमार्गावरील वड्डी गावाच्या हद्दीत बोलेरो गाडी पोहोचली असता ,राँग साईडने विटांनी भरलेला ट्रॅक्टर अचानक समोर आला. तर, भरधाव वेगात असणारी बोलेरो गाडी समोरून येणाऱ्या ट्रॅक्टरवर जाऊन आदळली,ज्यामध्ये गाडीचा चक्काचूर होऊन ५ जण जागीच ठार झाले आहेत,तर ३ जखमी असून १ जण गंभीर जखमी झाली आहे.
