आज पासून सुरू झाले नवे आर्थिक वर्ष ! जाणून घ्या प्रमुख 7 बाबी…

आज पासून नवीन आर्थिक वर्ष सुरू झाले आहे. त्यामुळे प्रमुख 7 बाबी वर प्रकाश टाकणारी ही महत्त्वाची बातमी. 1 .महाराष्ट्र सरकारने सीएनजी गॅस वरील व्हँट 13.5 ℅ वरून कमी करून तो तीन टक्के ठेवल्यामुळे आज पासून सीएनजी गॅस प्रतिकिलो पाच ते सात रुपये स्वस्त होणार आहे.2. राज्यभरातील शासकीय बाजार मूल्य तक्ता म्हणजेच रेडीरेकनरचे दर वाढल्यामुळे आज पासून जगात जमीन शेती खरेदी-विक्री व्यवहार महागणार आहेत. 3. देशभरात राष्ट्रीय महामार्ग विभागाकडे असलेल्या सुमारे साडेसातशे टोलनाक्यांवर टोलचे दर आज पासून वाढले आहे. 4. गेल्या दोन वर्षापासून कोरोनाचे विविध निर्बंध होते मात्र यातील बहुतांशी निर्बंध शासनाने शिथील केले आहे त्यामुळे गुढीपाडवा रामनवमी तसेच डॉक्टर बाबासाहेब आंबेडकर जयंती यासह विविध उत्सव मोठ्या धुमधडाक्यात साजरे होतील.5. राज्यातील 28 हजार सहकारी संस्थांच्या निवडणुकांचा कार्यक्रम आजपासून जाहीर झाला आहे. यामध्ये 30 साखर कारखाने आणि 45 सूतगिरण्या सह विविध सहकारी संस्थांचा समावेश आहे. 6. केंद्र शासनाने स्मार्ट सिटी मिशनला जून 2023 पर्यंत मुदतवाढ दिली आहे मात्र कामाच्या वर्कऑर्डर देण्याची तारीख 31 मार्च 2022 हीच ठेवण्यात आली होती त्यामुळे इथून पुढे स्मार्ट सिटी योजनेतून कोणत्याही नव्या कामाची वर काढता येणार नाही त्यामुळे सोलापूर स्मार्ट सिटी कंपनीच्यावतीने उजनी सोलापूर समांतर जलवाहिनी घालण्यात येणार आहे मात्र तिच्या वर्क ऑर्डर चे काय हा प्रश्न निर्माण झाला आहे 7. सोलापूर महापालिका आयुक्त बोर्डाने मंजूर केलेल्या बजेटनुसार या आर्थिक वर्षातील कामकाजाला सुरुवात करणार असून यात 25 कोटी रुपये रस्ते कामासाठी ठेवण्यात आले आहेत त्यामुळे आता आयुक्त कोणते निर्णय घेतात याकडे शहराचे लक्ष लागले आहे.