अन्न व औषध प्रशासन विभागामध्ये औषध निरीक्षक गट ब या पदाकरीता 22 मार्च रोजी घेण्यात आलेल्या परीक्षेतील पेपर लीक झाल्याची कबुली देत महाराष्ट्र लोकसेवा आयोगाने ही भरती रद्द केल्याचे जाहीर केले आहे.
NEET, TET पाठोपाठ MPSC चाही पेपर लीक झाल्याचे निष्पन्न झाल्याने परीक्षा पद्धतीवर प्रश्नचिन्ह उभे राहिले असून विद्यार्थी वर्गामध्ये संतापाचे वातावरण निर्माण झाले आहे.
सोलापूरची औषधनिर्माता व परीक्षार्थी कु. शरयू चोपडे हिने नुकत्याच पुण्यात झालेल्या “छत्रो की गुंज ” या कार्यक्रमात MPSC चा अन्न व औषध निरीक्षक पदाचा पेपर फुटला असून ही परीक्षा रद्द करून परीक्षार्थींना न्याय मिळवून द्यावा ही मागणी केली होती. आयोगाकडून आज प्रसिद्धीपत्रक काढून ही परीक्षा रद्द करण्यात आल्याचे जाहीर करण्यात आले आहे त्यामुळे परिक्षार्थी विद्यार्थ्यांना दिलासा मिळाला आहे.
