मोकाट फिरणाऱ्या सोलापूरकरांवर आलेले निर्बंध, वेळा बदलल्या ,ई पास आवश्यक.. !

सोलापूर : संचार बंदीची अंमलबजावणी सुरू झाली तरीही सोलापूर शहरात वेगवेगळ्या रस्त्यांवर मोकाट फिरणारे अनेक जण दिसून येत आहेत. सोलापूर चे पोलीस आयुक्त अंकुश शिंदे आणि महापालिका आयुक्त पी. शिवशंकर यांनी आता विनाकारण फिरणार यांना चाप लावला आहे. दररोज सकाळी आठ वाजता चौकाचौकात फिक्‍स पॉइंट लावले जात होते शनिवारी मात्र सकाळी सात वाजल्यापासून पोलिसांनी फिरणाऱ्या नागरिकांवर क डक कारवाई सुरू केली आहे. गर्दीवर नियंत्रण आणण्यासाठी आता किराणा दुकानाची वेळ दुपारी एक वाजेपर्यंत ठेवली आहे त्यामुळे भाजीपाला, फळांची ,दुकाने, डेअरी, बेकरी तसेच मेडिकल सोडून सर्व विविध प्रकारची दुकाने सकाळी 7 ते दुपारी 1 या वेळेत सुरू राहतील. एक वाजता बंद झालेल्या दूध डेअरी पुन्हा सायंकाळी सहा ते सात या वेळेस दूध संकलनासाठी सुरू ठेवण्यास परवानगी दिली आहे. ज्या हॉटेल धारकांना पार्सल घरपोच द्यायची आहेत त्यांनी महापालिकेच्या वेबसाइटवरून ही पास काढून घ्यावेत असे आवाहन महापालिका आयुक्त पी शिवशंकर यांनी केले आहे.