मुंबई : इंडियन प्रीमियर लीगमधील सनरयजर्स हैदराबादचा खेळाडू अभिषेक शर्मा वादाच्या भोवऱ्यात अडकला आहे. सूरत येथील लोकप्रिय मॉडेल तानिया सिंहने आत्महत्या करत आयुष्य संपवलं आहे. त्यानंतर स्थानिक पोलीस आयपीएलमधील स्टार खेळाडूची चौकशी करत आहेत.
नेमकं प्रकरण काय?
मॉडेल तानिया सिंहने 20 फेब्रुवारी 2024 रोजी आपल्या राहत्या घरी आत्महत्या केली आहे. तानिया गेल्या दोन वर्षांपासून फॅशन डिझायनिंग आणि मॉडेलिंग या क्षेत्रात शिक्षण घेत आहे. मॉडेलच्या निधनाचं कारण अद्याप समोर आलेलं नाही. पोलीस सध्या यासंदर्भात चौकशी करत आहे. चौकशीदरम्यान तानियाचा फोन चेक करण्यात आला. त्यावेळी आयपीएल स्टार अभिषेक शर्माचा (Abhishek Sharma) शेवटचा फोन आलेला दिसून आला आहे. त्यानंतर अभिषेक शर्मा अडचणीत आला आहे.
मीडिया रिपोर्टनुसार, तानियाच्या कॉल डिटेलमध्ये अनेक गोष्टी दडलेल्या आहेत. आयपीएलचा स्टार खेळाडू अभिषेक शर्माने (Abhishek Sharma) त्याला शेवटचा कॉल केला आहे. त्यामुळे पोलीस सध्या अभिषेकची चौकशी करत आहेत. प्रेमप्रकरणामुळे तानियाने आत्महत्या केली असल्याचा पोलिसांना संशय आहे.
